amalinks wokungena

Breaking News

Kulungile Na Ukuthi Uhulumende Avimbele Abantu Ukutshengisela?


Inengi lithi impilo ilokhu isibalukhuni ngamandla, kulandela inhlelo zikahulumende ezigoqela ukukhuphuka kwentengo yamafutha ezimota, ukucitshwa kwamagetsi mahlayana, ukuswelakala kwemali lemisebenzi, lokunye okunengi-nengi

Inengi lithi impilo ilokhu isibalukhuni ngamandla, kulandela inhlelo zikahulumende ezigoqela ukukhuphuka kwentengo yamafutha ezimota, ukucitshwa kwamagetsi mahlayana, ukuswelakala kwemali lemisebenzi, lokunye okunengi-nengi.

Isiphathamandla senhlanganiso elwela amalungelo ezakhamizi eye Bulawayo Progressive Residents Association uMnu. Ambrose Sibindi ufakaza lokhu.

Izisebenzi zikahulumende ezibalisa odokotela lababalisi zithi zizakhalala umsebenzi nxa zingengezelelwanga iholo ngoba aliseneli ukuthenga imphahla ezingabaphilisa ngenyanga.

Ababalisi benhlanganiso yeProgressive Teachers Union of Zimbabwe bathi abasoze basungule umsebenzi izikolo zivulwa nxa iholo labo lingakhutshulwanga, ngoba imali abayiholayo ayenelisi ukuthenga impahla ezimqoka, kanye lembadalo yokugada besiya emsebenzini.

UMnu. Mduduzi Jubane, isiphathamandla senhlanganiso elwela amalungelo ababalisi eyeAmalgamated Rural Teachers Union of Zimbabwe, uthi babhekane lohlupho olufanayo

Uhulumende uhlezi egcizelela ukuthi abantu bebekezele ngoba ulenhlelo ezimqoka asezisungule ezokulungisa umnotho welizwe.

Facebook Forum

XS
SM
MD
LG