Umphathintambo wezemigodi uMnu. Obert Mpofu ngoMvulo utshele ikhomithi yedale lephalamende ebona ngezemigodi ukuthi inkampani ye Essar Africa Holdings kumele ibhadalele okwembiwa eZimbabwe.
UMpofu uthi iEssar isimele ibhadale ngesiphangiphangi okwenjiwayo okuyisilinganiso samatonnes angamabillion amatshumi amathathu awe iron ore – 30 billion tonnes eZiscosteel.
Uqhubeke ethi uMpofu sowayibikela inkampani le ngalokhu loba nje ingakazihluphi ngokuxoxisana laye ngembadalo le.
Uphinde wathi akalaqiniso lesivumelwano esenziwa ngumphathintambo wezamafekithali uMnu. Welshman Ncube lenkampani le eyathenga amashares amanengi awe Ziscosteel.
Uthe loba idale le cabinet lisithi sokumele okwenjiwayo lokhu okuse Mwenezi lakwezinye indawo eNkabazwe kunikwe iEssar, kuzamele inkampani le ikhulumisani laye ukwenzela ukuthi kwenziwe kahle.
Okwamanje isivumelwano lesi siyenza ukuthi inkampani ye New Zimbabwe Steel Limited eye Essar yehluleke ukusebenza njengoba ingelakho okwenjiwayo kokulungisa insimbi.
Umnu. Masimba Kuchera ingcwethi kwezenotho uthi ukulwa kukaMpofu lo Ncube kubisela muva ukuvuselela inkampani ye Ziscosteel.
Kumele iEssar Africa Holdings Ibhadalele Konke Okwenjiwayo Okuzasetshenziswa Yi ZimSteel Limited
- Gibbs Dube
