amalinks wokungena

Breaking News

Kumele Izikwelede zeZimbabwe Zesulwe - IMF


Inhlanganiso ephathisa amazwe omhlaba ngemali, eye International Monetary Fund (IMF) ithi kudingakala ukuthi izikwelede zeZimbabwe zesulwe ukuze yenelise ukuvuselela umnotho wayo.

Kodwa inhlanganiso le ithi iZimbabwe kumele ivuselele ubudlelwano bayo lamanye amazwe njalo uhulumende asungule uhlelo olucacileyo oluzancedisa ekuthini izikwelede lezi zesulwe.

I Zimbabwe ilesikwelede esifika a,abillion ayisithupha amadollar eMelika-US$6billion enhlanganisweni ezifana le World Bank kanye leParis Club. Ku IMF iZimbabwe ilesikwelede sezigigidi ezilikhulu lamatshumi amahlanu amadollar eMelika-US$140 million.

Kugwalo elwethule ngolweSithathu, i-IMF ithe umnotho welizwe ulokhu ungamanga kuhle, isithi ukuxolelwa kuzikwelede yiyo yodwa indlela engavuselela umnotho weZimbabwe.

Yengeze yathi lanxa nje iZimbabwe ingaze ilandele inhlelo zenotho ezilohlonzi, lokuthengisa ezenjiwayo zayo ezigoqela amadiamonds awe Marange, ayisoze yenelise ukusihlawula lesisikwelede.

Umsekeli kamgcinisihlalo wenhlanganiso yeCoalition on Debt and Development uMnu Masimba Kuchera utshele uNtungamili Nkomo weStudio 7 ukuthi ngempela izikwelede zeZimbabwe kumele zesulwe, kodwa uthi iIMF yiyo emele ikhokhele kulokhu.

‚Äč
XS
SM
MD
LG