amalinks wokungena

Breaking News

URetired Major General Sibusiso Moyo Uthi Kumele Kuhlonitshwe Ilungelo Likazulu eZimbabwe


URetired Major General Sibusiso Moyo.
URetired Major General Sibusiso Moyo.

Umphathintambo obona ngobudlelwano beZimbabwe lamanye amazwe womhlaba, uRetired Major General Sibusiso Moyo usekhuthaze ukuhlonitshwa kwamalungelo abantu lenkululeko yabo kungakhathalekile ukuthi bangumhlobobani, bakhuluma ndimi bani, bangena yiphi inkolo kumbe bangamalunga aliphi ibanda lezombusazwe.

UMoyo wethule amazwi la emkhosini wokunanza usuku lukazibuse welizwe leZimbabwe esigodlweni selizwe leli eBhilithani edolobheni leLondon.

Umpathintambo weBhilithani obona ngezwekazi leAfrica uNkosazana Harriet Baldwin lommeli weBhilithani kwele Zimbabwe uNkosazana Catriona Laing bebekhona kanye lezizalwane zeZimbabwe ezihlala kulelolizwe.

UMoyo uqonqosele ngokunanzwa kwamalungelo abantu.

Uqhubeke esithi uhulumende wakhe wenza yonke imizamo yokuthi asebenze lamazwe womhlaba okugoqela amazwe ake abuswa yiBhilithani, awe Commonwealth.

UNkosazana Catriona Laing uthe ilizwe leZimbabwe lizakwamukelwa ngezandla zombili lingacela ukubuyela kunhlanganiso le.

Ezinye zezizwalane zeZimbabwe ebezikulumkhosi ziveze ukujabulela amazwi kaMoyo zisithi lokhu kuthembisa ukubaumumo ungaguquka kwezombusazwe lakwezomnotho nxa ilizwe lingadlelana kuhle lamanye amazwe.

Omunye wabo nguReverend Sibanda oweMethodist Church of Zimbabwe.

“Sizwile okukhulunywe nguMinister of Foreign Affairs kanye lomngane wakhe wangapha eNgilandi bonke batshengisukuthi balakho abasigcinele khona egudwini esingakwaziyo ukuthi kuyini but we want to give them ichance eyokuthi sibonukuthi bazakwenza kanjani.”

Inengi labantu ebelikulo umcimbi lithi ukukhuluma kulula kulokwenza njalo amazwi ka Moyo mahle kakhulu lobanje kusakude phambili.

Udaba Esilethulelwe NguEzra Tshisa Sibanda
please wait

No media source currently available

0:00 0:03:55 0:00

XS
SM
MD
LG