amalinks wokungena

Breaking News

Azaxotshwa Amankampani Emazweni Ezemigodi Angalandeli Uhlelo Lwe Indigenization - Kasukuwere


Umphathintamnbo wezabatsha lokuthuthukisa inotho kazulu uMnu. Saviour Kasukuwere uthi amankampani emazweni emba okutshiyeneyo eZimbabwe kumele aphume elizweni ngompandula nxa engafuni ukulandela uhlelo lokwabela uzulu amashares - olwe indigenization.

Inhlanganiso yezindaba ye Reuters ibika ukuthi uMnu. Kasukuwere uthi amankampani angavumelani lokwehlukana lamashares edlula okuyisilinganiso sokungamatshumi amahlanu ekhulwini kumele anike impahla yawo yonke uhulumende ngoMpandula abe sephuma eZimbabwe.

Iziqondiso zomthetho we indigenization zithi amankampani la kumele abambise inhlanganiso kumbe amankampani kahulumende amashares la.

Ngeviki ephelileyo uMnu. Kasukuwere uthe uhulumende kemukeli amashares ayisilinganiso esingamatshumi amabili lasithupha ekhulwini amankampani la afuna ukuwathengisela uzulu.

Uphinde wagcizelela ukuthi uhulumende kemukeli ama empowerment credits anikwa ngamankampani la ayisilinganiso sokungamatshumi amabili lanhlanu ekhulwini.

Ingcwethi kwezenotho uMmnu. Rejoice Ngwenya uthi okukhulunywa nguMnu. Kasukuwere yikutshonisa ilanga nje komuntu osebandleni elingasathandwa nguzulu.

XS
SM
MD
LG