Inhlanganiso ye Confederation of Zimbabwe Industries (CZI) ithi osomabhizimusi abagaya impuphu labacenga amafutha okupheka kabalasizatho sokukhuphula intengo yempahla le kulandela ukubiselwa komthelo we Customs duty.
Umqondisi we CZI uMnu. Joseph Kanyekanye utshele amaphephandaba ukuthi amafekithali eZimbabwe akumelanga akhuphule intengo yempuphu lamafutha ngoba intengo yomumbu landumba kayikaqongi.
Uphinde wathi kumele uMongameli Robert Mugabe akhethe umuntu kudale le Cabinet ozasebenza le CZI ukwenzela ukuthi kuhlolisiswe ukukhuphuka kwentengo yempahla etshiyeneyo.
Intengo yempuphu lamafutha okupheka isanda kukhuphuka ngengxenye yedollar-50 cents kusiya kuUS$1.00.
Umqondisi we Matabeleland Chamber of Commerce uMnu. Isaac Mabuka uthi intengo yempahla kumele yehliswe kumbe ikhuphulwe nguzulu.
