amalinks wokungena

Breaking News

Sifuna Uzibuse Wezabelo, Kutsho iPUMA


UMnu. Wilson Bancinyane Ndiweni okhokhela iPatriotic Union of Matabeleland

Namuhla sigqiba ihlandla lethu lesimo sezombusazwe ngengxoxo esiyenze lomkhokheli webandla lePatrotic Union of Matabeleland (PUMA) uMnu Wilson Bancinyane Ndiweni.

“Asilani lento le okuthiwa uhamba ilizwe lonke leZimbabwe. Thina simele ilizwe laMaNdebele labantu abahlala elizweni leMaNdebeleni,” kuchaze uMnu Ndiweni.

Wengeze wathi kumele uhulumende alandele isisekelo sombuso esitsha ngokugcweleyo njalo avumele izabelo ukuthi zizibuse (devolution).

UNdiweni uthi lokhu akutsho ukuthi bafuna ilizwe labantu beMatabeleland.

“Esikufunayo yikuthi abantu bazibuse njengalokho okumunyethwe yisisekelo sombuso welizwe. Idevolution yiyo esiyifunayo njalo sibona engani yikho lokhu okungathuthukisa umnotho welizwe,” uqhubeke echasisa.

Njengebandla elikhangelane lezifiso zikazulu weMaNdebeleni kuphela, uMnu Ndiweni uthi ngeke kwenzeke ukuthi abasebenzelane lamanye amabandla.

“Thina yithi abapheki bekhaya. Nxa bekhona abalembono enje ngeyethu singabambisana indlela kodwa nxa bekhangele ilizwe lonke singeke sakwenza lokho.”

XS
SM
MD
LG