amalinks wokungena

Breaking News

Kunanzwa Abalwela Ilungelo Loluntu


Inhlanganiso elwela ilungelo loluntu iZimRights ngoLwesine iphe izicoco abantu ethi bakhankase kakhulu lonyaka kundaba zokuhlonitshwa kwamalungelo oluntu.

Abantu laba bagoqela igqwetha uNkosikazi Beatrice Mtetwa lelunga leZanu PF edale lephalamende uMnu Paddington Zhanda.

Abanye ngabathi umdwebi uOwen Maseko, uKhulumani Mathema oyinduna labanye abanenginengi.

Intatheli yeDaily News uPindai Dube uhlonitshwe ngokuba yintathelizindaba elobe okubukekayo ngezamalungelo oluntu lonyaka, iHuman Rights Journalist of the Year.

Udube uthi ujabule kakhulu ngalokhu njalo uthi uzaqhubeka eloba ngezamalungelo oluntu.

"Kuyanjgijabulisa kakhulu ukuthi ngikhethwe phakathi kwentathelizindaba ezinengi ukuthola lesisicoco," kutsho uMnu Dube.

Indaba alobe ngazo ezenze wathola lumvuzo ludaba lwabantu abaphathwa kubi yiGukurahundi abalokhu bengelazithupha kanye lodaba lwabathwa eTsholotsho, bona abathi uhulumende kabananzi.
XS
SM
MD
LG