amalinks wokungena

Breaking News

Kunanzwa Imisebenzi kaJoshua Mqabuko Nkomo eSouth Africa


UMnu. Joshua Mqabuko Nkomo

Abaculi beZimbabwe abahlala kweleSouth Africa baqhube umcimbi omkhulu eBerea Park eJohannesburg ngeSonto bekhumbula imisebenzi yeqhawe lesizwe uMnu. Joshua Mqabuko Nkomo.

Abaculi beZimbabwe abahlala kweleSouth Africa baqhube umcimbi omkhulu eBerea Park eJohannesburg ngeSonto bekhumbula imisebenzi kamuyi uMnu. Joshua Mqabuko Nkomo, owayengumsekeli kamongameli njalo ekhokhela ibandla leZAPU.

Bekugcwele kuphuphuma eBerea Park abantu bezobona abaculi, abamahlaya, labalingisi beZimbabwe bebaphakela ukudla kwamehlo lendlebe.

Umculi wezokholo uMayibongwe Tshuma oweqembu leMvuselelo Yamakholwa uthi inhloso esemqoka bekuyikukhumbuza abeZimbabwe abasemazweni ukuthi kunengi umuyi angakufezanga osekusemahlombe abo.

Kuleligigi amachacho abegabhela inkulumo kwazize bekuqhunswa inhlobonhlobo yonke yezingoma.

Le ekaMaskandi eqhunswa nguMehlokazulu leqembu lakhe ijabulise abanengi.

Isiphathamandla senhlanganiso ye Joshua Nkomo Foundation esebenze ndawonye leyemingcwabo iKingdom Blue ekuqoqeni leli gigi, uMnumzana Kwanele Hlabangana uthi kuqakathekile ukuthi imbali kamuyi UMqabuko ingakhohlakali.

Isikhulumeli senhlanganiso eqoqe lumcimbi eye Matabeleland Entertainment News uMnumzana Mongezi Mpofu uthi bathembisa ukuthi ngomnyaka ozayo kuzakuba ngunkunzimalanga wegigi.

Umculi kamaskandi uZinjaziyamluma ethi Bulawayo, layo eqhunswe kulumbuthano.

Facebook Forum

XS
SM
MD
LG