Inyanga kaNhlolanja ngeyokunanza imisebenzi eyenziwa ngabantu abansundu abahlala eMelika minyaka-yonke, elaziwa ngokuthi yi Black History Month kumbe iAfrican American History Month.
Iphephandaba le International Business Times lithi Ilanga leli lasungulwa nguMnu. Carter G, Woodson, ngomnyaka ka 1926, kodwa uhulumende weMelika waqala ukulinanza kusukela ngo1976.
Sekuqhutshwe imicimbi-cimbi eminengi elizweni lonke kusukela ekuqaleni kwalinyanga, amadolobho amanengi enanza lelilanga ngendlela ezitshiyeneyo.
UMnu. Woodson waqala ngokulibiza ngokuthi yi “Negro History Week” kodwa izifundi zenhlanganiso ye Black United Students at Kent State University zakhalaza ukuthi linganazwa okweviki kuphela, kodwa okwenyanga.
Owayengumongamli uMnu. Gerald Ford wasekela lumbono, labizwa ngokuthi yi National Black History Month. Iphephandaba le International Business Times lithi abanye abansundu ababukwa ngezenzo ezilohlonzi bagoqela uMnu. John Chavis owayengumuntu wakuqala omnyama ukuthi aqede izifundo zekolitshini.
Omunye nguMnu. Martin Luther King Jnr, olodumo njalo owabotshwa kanengi-nengi elwela ilungelo labansundu.
Ngomnyaka ka 1988, uMnu. Debi Thomas wayengowakuqala ukuthola isicoco kumidlalo ye Winter Olympic Games, kwathi uMnu. Barack Obama wafungiswa ukuba ngumongameli onsundu wakuqala eMelika ngomnyaka ka 2009.