amalinks wokungena

Breaking News

Kwenziwa Omunye Umkhosi weWorld Press Freedom Day

  • Mavis Gama

Inhlanganiso zentathelizindaba ezibalisa eye Media Alliance of Zimbabwe , kanye leye Voluntary Media Council in Zimbabwe , zinanze imisebenzi kamuyi owayeyintathelizindaba elodumo uBornwell Chakaodza. Lo bekungomunye wemikhosi yokunanza ilanga lentathelizindaba emhlabeni jikelele olwe World Press Freedom Day olunanza mhlaka 3 ngoNkhwenkwezi.

Emkhosini munye inkokheli zenhlanganiso ezimela intathelizindaba zivumelene ukuba lokhe umkhulu umsebenzi wokuletha inguquko kumithetho elondoloza imisebenzi yokuthapha indaba elizweni.

Kuvunyelenwe njalo ukuba uhulumende ayilandele ngokugcweleyo imithetho esithe yaba khona kuDraft ekhangelelwe ukuba yisisekelo sombuso hatshi ukuba kube ngumbhalo nje ongalandelwayo.

Abangene lumhlangano baveze ukuba lokhe umumo ungemuhle elizweni kundaba zokuthapha indaba okuyilona dubo ngalesi sikhathi ilizwe likhangelelwe ukuqhuba ukhetho.

Bathi kuqakathekile njalo ukuba kubunjwe inhlanganiso,ezathatha imibono evelela kuntathelizindaba ngokwazo. Kupinde kube lomthetho olondoloza ukusebenza kwalezi ntathelizindaba elizweni.

Lumkhosi wokukhumbula imisebenzi kamuyi uChakaodza oqoqwe ngabenhlanganiso ye Media Alliance of Zimbabwe bemanyene labe Voluntary Media Council of Zimbabwe wenziwe ngaphansi kwesihloko esithi “ Safe to Speak:Securing Freedom of Expression in all Media ” njalo kungomunye wemikhosi yokunanza ilanga lokusebenza kwentatheli zikhululekile ele World Press Freedom Day.

please wait

No media source currently available

0:00 0:05:58 0:00
Lapho esitholakala khona
XS
SM
MD
LG