amalinks wokungena

Breaking News

Kunanzwa iUnity Day uMnangagwa Esithi Uyalulungisa Udaba lweGukurahundi


President Emmerson Mnangagwa addressing senior members of Zimbabwe ruling Zanu PF party on Oct. 29, 2021 in Bindura about 80km north of Harare (Columbus Mavhunga/VOA)
President Emmerson Mnangagwa addressing senior members of Zimbabwe ruling Zanu PF party on Oct. 29, 2021 in Bindura about 80km north of Harare (Columbus Mavhunga/VOA)

EleZimbabwe linanza ikhefu leUnity Day namuhla uMongameli Emmerson Mnangagwa esithi uphakathi kokulungisisa udaba lweGukurahundi ukuze kuqedwe ukufuthelana okulokhe kukhona elizweni.

Mhlaka 22 kuMpalakazi ngomnyaka ka1987 kulapho uRobert Mugabe, owayekhokhela ibandla leZanu njalo enguMongameli welizwe asayinelana khona isivumelwano seUnity Accord lomholi weZapu uJoshua Mqabuko Nkomo baqeda ukubulawa kwabantu yilumbhuqazwe eMatabeleland laseMidlands.

Ibutho likaMugabe eleFifth Brigade labulala inkulungwane zabantu ezingamatshumi amabili, 20,000, inengi kungabantu makhaza.

Kumbiko wakhe oqondane lalelilanga, owethulwe yihofisi yakhe enkundleni yeTwitter, uMnangagwa uthe uhulumende usebenza lamaqembu atshiyeneyo agoqela izinduna ukuze lulungisiswe loludaba njalo kuqedwe umfutho olokhe usebantwini abahlukuluzwayo lalabo ababulawelwa izihlobo labangane.

UMnangagwa lomsekeli wakhe uMnu Constantino Chiwenga ngabanye babantu abetheswa umlandu wokuphatheka kuGukurahundi.

Abebandla leZapu bathi usuku lwanamuhla lubazwisa ubuhlungu obukhulu ngokubulawa mahlayana kwabantu okwenzakalayo.

Isikhulumeli salelibandla uMnu Msongelwa Ndlovu utshele iStudio 7 ukuthi abayikholwa njalo imizamo kaMnangagwa yokulungisa loludaba.

please wait

No media source currently available

0:00 0:03:13 0:00

Kodwa ilunga leZanu PF uMnu Believe Gaule, yena okhankasela ukuba ngumgcinisihlalo walelibandla eMatabeleland North, othi liqakathekile kakhulu ilanga leUnity Day.

please wait

No media source currently available

0:00 0:02:35 0:00

XS
SM
MD
LG