amalinks wokungena

Kwenzakalani Kubandla leZanu PF?

  • Chris Gande

UNkosikazi Eunice Sandi Moyo.

Ukusuka ebandleni le Zanu PF okwenziwe nguNkosikazi Nomthandazo Eunice Sandi Moyo, obengumsekeli kaNkosikazi Grace Mugabe kuhlangothi lwabesifazane ebandleni leli lomgciningcebo, uNkosikazi Sarah Mahoka, sokudale imibuzo eminengi.

Kuke kwaba lokutshengisela endaweni ezitshiyeneyo zelizwe abasekeli bebandla leli besithi ababili laba kabaxotshwe ngenxa yamacala atshiyeneyo abalisa ukudelela umsekeli kamongemeli, uMnu. Emmerson Mnangagwa, kanye lokutshontsha imali.

Babikwa ababili laba babecela imali besithi izanikwa uNkosikazi Grace Mugabe kodwa bona bazithathele. Bayalilandula lelicala bobabili.

Lokhu kutshengisela kuthinte lenye inkokheli ebalisa umphathintambo wezemfundo yaphezulu, uMnu. Jonathan Moyo, lonobhala obona ngokuqoqwa kwenhlelo zebandla, uMnu. Savior Kasukuwere. lomfowabo, uMnu. Dickson Mafios.

Kungaba kusenezalani ebandleni leli?

Ukuhlaziya loludaba sixoxe lengcwethi ecubungula ezombusazwe, uMnu. Max Mkandla, olilunga njalo lebandla le National People’s Party, lelunga ledale le Central Committee yebandla le Zanu PF, uMnu. David Ndlovu.

UNdlovu uthi iziphathamandla lezi ziphakathi kwaloludubo ngoba yisikhathi sakhona njengoba yonke into ilesi khathi sayo.

UMkandla uthi: "Liqiniso okukhulunywa nguNdlovu ukuthi kuxotshwa abanye abantu ukuze kuvikeleke abanye."

Facebook Forum

XS
SM
MD
LG