HARARE —
Inhlanganiso ezisebenzelana labesifazane kundaba zegciwane kanye lengculaza eZimbabwe zikhuthaza ukusetshenziswa kwe condom labesifazana ngoba kuyiyona ndlela esemandleni kamama ukuzivikela emikhuhlane ethelelanwa emacansini okufana legciwane lengculaza leminye eyengulamakhwa.
Amazwe womhlaba ananza ilanga lokuqakathekisa ukusetshenziswa kwe condom labesifazane ele ‘ World Female Condom Day’.
Kwelezimbabwe lisungulwe ngomnyaka ka 1997 lapho elibikwa lithakazelelwe kakhulu ngomama.
Kusuke kwadeda lokhu kulijabulela leli condom labomama ngenxa yezizatho ezithile.
Umqondisi enhlanganisweni ye Women and Aids Support Network, uNkosikazi Mary Sandasi utshele intathelizindaba ukuba bakunanzelele njengenhlanganiso sekulesikhenxe ngolwazi oluphathelane laleli condom, ngoba omama abafundiswa ngalo sebebadala ikanti abatsha laba bengelalo ulwazi lokuba lisetshenziswa kanjani.
Uthi okudanisayo yikuba kalitholakali lula leli condom njalo libiza intengo ephezulu lalapho litholakele. Ikanti omama bekuluhlu lwabantu ababikwa bengabayanga okwedlulise amalawulo benganelisi ukulithenga.
Isimanga yikuba elaboba litholakala lula kungela nhlawulo njalo ligcwele ndawana yonke ikakhulu ezokuzilibazisa.
Kodwa abesilisa baveza ukuba omama yibo abalenkinga yokungalithakazeleli lalapho besanelisa ukulithola leli condom bekhetha ukusebenzisa elabobaba.
UMnumzana Themba Sibanda uyisakhamuzi se Epworth njalo uleminyaka engamatshumi amathathu.
USibanda uveze ukuba sewakunanzelela ukuba lokhe bebalutshwana abesifazane abalithakazelelayo leli condom ngekhaya lanxa omkabo bengelankinga ngalo.
Kodwa uNkosikazi Sandile Mpofu wase Glendale ophila legciwane njalo eleminyaka engamatshumi amahlanu, uthi bekunzima kuye ekuqaleni ukuthi lamukelwe lapha ekhaya leli condom labesifazane ngoba umkhakhe, laye ophila legciwane, bekhuthalela ukusetshenziswa elabobaba.
Kuthi uNkosikazi Thandiwe Mabhena wase Eastlea eHarare,oselemninyaka engamatshumi ayisithupha yokuzalwa,ukhuthaza uzulu ikakhulu omama ukuba bangaze baba lamahloni ukulisebenzisa lelicondom lesifazane.
Leli condom labesifazane libikwa liphathisa ukuvikela imikhuhlane yemacansini ethelelanwayo okufana leyengulamakwa kanye lemvukuzane yomlomo wesibeletho.
Okwamanje litholakala kungela mbadalo ngoba likuhlelo lokulikhankasela ukusetshenziswa kwalo lanxa libiza intengo ephezulu lapho lithengiswa ezitholo ikanti elabobaba litholakala ngentengo ephansi.
Elabobaba litholakala nge dola linye kuphakethi elilamacondom angamatshumi amathathu ikanti imali inye ithenga amahlanu kuphela amacondom abesifazane.
Amazwe womhlaba ananza ilanga lokuqakathekisa ukusetshenziswa kwe condom labesifazane ele ‘ World Female Condom Day’.
Kwelezimbabwe lisungulwe ngomnyaka ka 1997 lapho elibikwa lithakazelelwe kakhulu ngomama.
Kusuke kwadeda lokhu kulijabulela leli condom labomama ngenxa yezizatho ezithile.
Umqondisi enhlanganisweni ye Women and Aids Support Network, uNkosikazi Mary Sandasi utshele intathelizindaba ukuba bakunanzelele njengenhlanganiso sekulesikhenxe ngolwazi oluphathelane laleli condom, ngoba omama abafundiswa ngalo sebebadala ikanti abatsha laba bengelalo ulwazi lokuba lisetshenziswa kanjani.
Uthi okudanisayo yikuba kalitholakali lula leli condom njalo libiza intengo ephezulu lalapho litholakele. Ikanti omama bekuluhlu lwabantu ababikwa bengabayanga okwedlulise amalawulo benganelisi ukulithenga.
Isimanga yikuba elaboba litholakala lula kungela nhlawulo njalo ligcwele ndawana yonke ikakhulu ezokuzilibazisa.
Kodwa abesilisa baveza ukuba omama yibo abalenkinga yokungalithakazeleli lalapho besanelisa ukulithola leli condom bekhetha ukusebenzisa elabobaba.
UMnumzana Themba Sibanda uyisakhamuzi se Epworth njalo uleminyaka engamatshumi amathathu.
USibanda uveze ukuba sewakunanzelela ukuba lokhe bebalutshwana abesifazane abalithakazelelayo leli condom ngekhaya lanxa omkabo bengelankinga ngalo.
Kodwa uNkosikazi Sandile Mpofu wase Glendale ophila legciwane njalo eleminyaka engamatshumi amahlanu, uthi bekunzima kuye ekuqaleni ukuthi lamukelwe lapha ekhaya leli condom labesifazane ngoba umkhakhe, laye ophila legciwane, bekhuthalela ukusetshenziswa elabobaba.
Kuthi uNkosikazi Thandiwe Mabhena wase Eastlea eHarare,oselemninyaka engamatshumi ayisithupha yokuzalwa,ukhuthaza uzulu ikakhulu omama ukuba bangaze baba lamahloni ukulisebenzisa lelicondom lesifazane.
Leli condom labesifazane libikwa liphathisa ukuvikela imikhuhlane yemacansini ethelelanwayo okufana leyengulamakwa kanye lemvukuzane yomlomo wesibeletho.
Okwamanje litholakala kungela mbadalo ngoba likuhlelo lokulikhankasela ukusetshenziswa kwalo lanxa libiza intengo ephezulu lapho lithengiswa ezitholo ikanti elabobaba litholakala ngentengo ephansi.
Elabobaba litholakala nge dola linye kuphakethi elilamacondom angamatshumi amathathu ikanti imali inye ithenga amahlanu kuphela amacondom abesifazane.