WASHINGTON DC —
Unobhala jikelele webandla leMDC-T uMnu. Tendai Biti, oligqwetha, uthi akulalutho olubi ngokumela owayengusiba lukhulu webhanga elikhulu lelizwe ele Reserve Bank of Zimbabwe, uMnu. Gideon Gono emthethwandaba kudaba alwethesayo lokweba imali.
Owayengumcebisi kaGono ebhanga le Reserve, uMnu. Munyaradzi Kereke wethesa uGono icala lokungethembeki lokutshontsha imali edlula izigidi ezingamatshumi amathathu lambili zamadola.
Isikhulumeli sebandla leZanu PF, uMnu. Rugare Gumbo utshele iStudio 7 ukuba akulamuntu webandla lakhe oseke wakhonona ngaloludaba.
Kodwa iphephandaba le Herald lithi kulamalunga eZanu PF athi uGono usecupha mganu munye lezitha.
UBiti utshele iStudio 7 ukuthi kaboni okubi ngokumela ugono ngoba kulilungelo lakhe uGono ukuthi akhethe igqwetha alifunayo.
Lokhu kugcizelelwe ngumsekeli wesikhulumeli sebandla leMDC-T, uMnu. Joel Gabhuza otshele uChris Gande weStudio 7 ukuthi uGono ukhethe uBiti ngoba embona ekhaliphile.
Kunjalo nje, uChris uphinde waxoxa lesikhulumeli secele leMDC elikhokhelwa nguMnu. Welshman Ncube, uMnu. Nhlanhla Dube laye othi akula okubi okwenzwe nguBiti.
Owayengumcebisi kaGono ebhanga le Reserve, uMnu. Munyaradzi Kereke wethesa uGono icala lokungethembeki lokutshontsha imali edlula izigidi ezingamatshumi amathathu lambili zamadola.
Isikhulumeli sebandla leZanu PF, uMnu. Rugare Gumbo utshele iStudio 7 ukuba akulamuntu webandla lakhe oseke wakhonona ngaloludaba.
Kodwa iphephandaba le Herald lithi kulamalunga eZanu PF athi uGono usecupha mganu munye lezitha.
UBiti utshele iStudio 7 ukuthi kaboni okubi ngokumela ugono ngoba kulilungelo lakhe uGono ukuthi akhethe igqwetha alifunayo.
Lokhu kugcizelelwe ngumsekeli wesikhulumeli sebandla leMDC-T, uMnu. Joel Gabhuza otshele uChris Gande weStudio 7 ukuthi uGono ukhethe uBiti ngoba embona ekhaliphile.
Kunjalo nje, uChris uphinde waxoxa lesikhulumeli secele leMDC elikhokhelwa nguMnu. Welshman Ncube, uMnu. Nhlanhla Dube laye othi akula okubi okwenzwe nguBiti.