WASHINGTON DC —
Kuqhamuke udlakela emigwaqweni eHarare ngoLwesihlanu ngemva kokuba abaphila ngokuthengisa impahla behlaselwe ngamapholisa.
Lokhu kubikwa kubangelwe yikuhlaselwa kwelinye ipholisa ngoLwesine ngabacatshangelwa ukuthi ngabezimota ezithwala uzulu.
Kodwa ngoLwesihlanu amapholisa abikwa engene emigwaqweni ehlasela uzulu mahlayana, kwalimala abanye njalo kwabotshwa abanye.
Sixoxe lokhansila wedolobho le Harare, uMnu. Thamsanqa Hadebe, othi akukazakali ukuthi bangaki ababotshiweyo kumbe abalimeleyo kulesi sehlakalo.
“Okwenzakeleyo yikuthi abamakhombi laba okuthiwa ngo windi bathiwa batshe ipholisa izolo amapholisa angina atshaya wonke umuntu okubalisa abathengisa ezitaladeni."
