Kuqhamuke udlakela edolobheni le Shamva esigabeni se Mashonaland Central olutshiye abanye belimele ngemva kokuba abasekeli bebandla leMDC-T kade bencwaba omunye wabo behlaselwe ngabe Zanu PF.
Bekubuthene abasekeli beMDC-T bebeka ilunga labesifazane, uNkosazana Evangelista Kaundikisa lapho okuze khona abasekeli beZanu PF besithi kabafuni ukuthi kungcwatshwe abantu bemdc-t esigabeni sabo kwasekuqhamuka udlakela.
Kulabantu abambalwa abalimeleyo ababalisa ilunga ledale leSenate emele isigaba se Midlands, uNkosikazi Lillian Timveos obikwa elimele kakhulu.
Loku kwenzakala ngesikhathi udlakela lwezombusazwe selubhahile elizweni.
NgeSonto kuqhamuke udlakela eKambuzuma emhlanganweni webandla leMDC-T lapho okubikwa kutshaywe abasekeli balelibandla ngabe Zau PF.