amalinks wokungena

Kulimala Abantu Kudlakelwa Lwezombusazwe Oluqhamuke eChitungwiza

  • Chris Gande

Eyinye yezindlu ezitshaywe ngamatshe eChitingwiza.

Udlakela luqhamuke edolobheni le Chitungwiza ngeSonto phakathi kwabasakhulayo bebandla le Movement for Democratic Change elikhokhelwa nguMnu. Morgan Tsvangirai kwalimala abambalwa lanxa amapholisa abelokhu engakabophi muntu.

Abazi ngokwenzakalayo bathi udlakela lolu luqale ngemva kokuba ontanga be MDC-T bebengena ezindlini bekhuthaza uzulu ukuthi ayebhalisa ukuvota kuhlelo olwenziwa yiZimbabwe Electoral Commission.

Imota ka khansila Betty Dokora, ongumkamphathintambo wezemfundo, uMnu. Lazarus Dokoroa, ibikwa itshaywe ngabasekeli bebandla le MDC-T yafa amafasiteli.

Obikwa elimele kakhulu nguDelma Kaliati osesibhedlela oganyulwe inyawo.

Amapholisa ayalile ukukhuluma le Studio 7 ngaloludaba. Imizamo yokukhuluma labebandla le Zanu PF yehlule.

Kodwa senelise ukukhuluma loqoqa inhlelo zabatsha kubandla le MDC-T, uMnu. Desmond Ncube, othi: “Ekuqhutshweni kwaloluhlelo yikho okubuye izigilamkhuba ze Zanu baqalisa ukulwisana labontanga kade besenza loluhlelo."

UNcube uthi ukulwisana lokhu kukhokhelwe ngabantu abaziwayo kodwa amapholisa kawababophanga.

Facebook Forum

XS
SM
MD
LG