amalinks wokungena

Breaking News

Kuqhutshwa Umbukiso Wokulondoloza Amasiko koBulawayo


Iqembu le Umqwaqwazi Theatre Group

Uzulu wakoBulawayo uthokoziswe ngumbukiso wokuthakazelela amasiko ngoLwesibili mhla zingamatshumi amabili lathoba minwe mbili edolobheni leli endaweni yeNational Art Gallery.

Oqoqe lumbukiso owe Total Traditional Expo ngumlobi wemidlalo yokulingisa uThembelihle Moyo yena othi injongo yakhe ngeyokuzama ukulondoloza amasiko esintu ukuze engatshabalali.

Obekusenziwa ngalolusuku yizinto ezigoqela ukuculwa lokusinwa kwengoma zesintu, ukuphekwa kokudla kwesintu, ukubaza, ukutshaya ingungu kanye lokwethiwa kwenganekwane obekusenziwa ngumama uMaMlangeni oweqembu le Thandanani Women's Ensemble.

UThembelihle uthi inengi lalabo asebenzisane labo ekuqoqeni lumbukiso ngabesifazane njalo uthi lokhu ukwenze ngoba ekubona kufanele ukuba omama bethuthukisane bona ngokwabo bengalindi ukuba imisebenzi yabo iphakamiswe ngabesilisa.

Umlobi wezingwalo zamasiko lemvelaphi yabantu abansundu uPhathisa Nyathi wethulele uzulu ongene lumbukiso imbali yabantu besi Xhosa bona abatholakala endaweni yeMbembesi.

Amaqembu awenza imidlalo yokuzilibazisa aphatheke kuloluhlelo ngagoqela ele Thandanani Women’s Ensemble, Umqwaqwazi Traditional Group, Mbembesi kanye le Sekunjalo Ma-Africa Arts.

Iqembu leThandanani Women's Ensemble livala uhlelo ngengoma abayicule khona ku Total Traditional Expo ethi "Amasiko ngumlilo okhanyisayo".

Woza Friday: Umbukiso wezamasiko koBulawayo
please wait

No media source currently available

0:00 0:06:54 0:00
Lapho esitholakala khona


XS
SM
MD
LG