Izizalwane ze Zimbabwe ezihlala kwele Melika ziphakathi kokuqoqa ukutshengisela kuyonale impelasonto zisola umbuso welizwe lazo phambilini komhlangano weUnited Nations General Assembly edolobheni leNew York lapho uMongameli Robert Mugabe akhangelelwe ukwethula umbiko wakhe.
UMongameli Mugabe ukhangelelwe ukuya kulumhlangano lemuli yakhe leziphathamandla ezingamatshumi ayisikhombisa kusetshenziswa izigidi lezigidi zemali.
Izizalwane zeZimbabwe ezigoqela lebandla eliphikisayo ele MDC-T zithi zizatshengisela njengenhlalayenza phandle kwesigodlo seUnited Nations laphandle kwesigodlo sommeli weZimbabwe eUnited Nations.
Sixoxe lesinye isizalwano se Zimbabwe esihlala kweleMelika, uNkosazana Tsitsi Chiriseri, ongomunye wabaqoqa ukutshengisela lokhu, othe, "Asilanhlanganiso, wonke umuntu odabuka eZimbabwe uyangxuswa ngoba sonke silendubo ezifanayo."
