amalinks wokungena

Breaking News

Kusungulwa Umhlangano weInnovation Africa Summit


Kulumhlangano, kulamazwe agoqela eleRwanda, Botswana, Uganda, Democratic Republic of Congo, Maurtious, le Madagascar kanye lamankampani atshiyeneyo.

Umongameli Emmerson Mnangagwa usevule ngokusemthethweni umhlangano we Innovation Africa Summit walonyaka osungulwe eHarare namuhla, lapho okuthe gwaqa iziphathamandla zikahulumende wamazwe akuzwekazi leAfrica kanye labosomabhizimusi becubungula indlela zokuthuthukisa inhlelo zemfundo yeScience le Technology, belandela izinqumo ezahlelwa ngumanyano we United Nations.

Amazwe akulumhlangano, wona okhangelelwe ukuphela ngoLwesihlanu, agoqela eleRwanda, Botswana, Uganda, Democratic Republic of Congo, Maurtious, le Madagascar.

Umphathintambo wezemfundo uMnu. Paul Mavima uthi eleZimbabwe lizimisele ukuthuthukisa ezemfundo kusetshenziswa imitshina yama computer lokunye, njalo lizathapha ulwazi olunengi kunhlelo zakwamanye amazwe, okugcizelelwe ngumongameli Emmerson Mnangagwa evula lumhlangano.

UMnu. Sifiso Ndlovu, oyisiphathamandla senhlanganiso yeZimbabwe Teachers Association, enxusiweyo kulumhlangano usichasisela okunengi ngalumbuthano kanye lokuqakatheka kwawo kwezemfundo.

please wait

No media source currently available

0:00 0:03:06 0:00

XS
SM
MD
LG