amalinks wokungena

Breaking News

Kusungulwa Umkhankaso Wokwehlisa Intengo Owe #Pricesmustfall


Abantu bethengisa ezitaladeni zeHarare

Inhlanganiso yezisebenzi, iZimbabwe Congress of Trade Unions isisungule umkhankaso okhuthaza ukwehliswa kwentengo yezinto ezitolo obizwa ngokuthi #pricesmustfall.

Umkhankaso lo usungulwe ngoLwesihlanu njalo wandulela ukutshengisela okuqoqwa yiZCTU lezinye inhlanganiso ezisebenza lozulu elizweni lonke jikelele kunsukwana ezilandelayo.

Obona ngokuqoqwa kwenhlelo kuZCTU uMnu Michael Katukutu utshele lumsakazo ukuthi bathukuthele ngokuqonga mahlayana kwentengo yokudla Kanye lezinye izinto ezitshiyeneyo ezitolo.

Uhulumende wehlise intengo yamafutha ezimota ngeviki edluleyo esithi lokhu kuzabangela ukuthi intengo yezinto ezitolo layo yehle. Kodwa uKatukutu uthi akukenzakali lokhu.

Omunye wabaphatheke emkhosini wokusungula umkhankaso wokwehliswa kwentengo lo ngumgcinisihlalo wabasakhulayo kunhlanganiso yeCrisis in Zimbabwe Coalition, uMnu Pride Mukono.

Umqondisi wenhlanganiso yeZimbabwe Coalition on Debt and Development uNkosazana Janet Zhou laye ngomunye wabantu abaphatheke ekusungulweni komkhankaso we#pricesmustfall.

AbeZCTU bathi lumkhankaso uzaqhubeka intengo yezinto ezimqoka empilweni kazulu ize yehliswe yiloba nguhulumende kumbe amababhizimusi.

please wait

No media source currently available

0:00 0:02:36 0:00

Facebook Forum

XS
SM
MD
LG