amalinks wokungena

Breaking News

Kusungulwa Umthelo Omutsha Kwezokuthumelana Imali Ngomakhalekhukhwini


Ecocash
Ukusungulwa komthelo weTax kulabo abasebenzisa incingo ukuthumelana imali sekutshiye uzulu ekhonona kakubi.

Kusukela ekuqaleni kwenyanga yonale kaZibandlela bonke abafuna ukusebenzisa incingo zikamakhalekhukhwini ukuthumelana imali sebebhadala umthelo wamasenti amahlanu. Inengi lalabo abasebenzisa loluhlelo ngabasebenzisa incingo zikamakhalekhukhwini ezenkampani yeEconet.

Lanxa umphathintambo wezenotho, uMnu. Patrick Chinamsa ubengabambeki ecingweni lwakhe abazi ngokwenzakalayo bathi abasebenzisa uhlelo lwe ECOCASH bafika phose izigidi ezintathu njalo ngomnyaka ophelileyo bathumelane imali engaba yizigidi ezingamakhulu amabili, $200.

Amanye amankapmapani asebenzisa inhlelo zokuthumelana imali ngengcingo yi Telecel le Net One kodwa lawamankampani kawasetshenziswa ngabanengi.

Ingcwethi kwezenotho, uMnu. Rejoice Ngwenya utshele iStudio 7 ukuthi izizalwane zeZimbabwe zivele ziyizo ezilemithelo eminengi emhlabeni jikelele.
XS
SM
MD
LG