Ibhanga elikhulu lelizwe ele Reserve Bank of Zimbabwe-RBZ, selivale amabhanga amabili ayehluleke ukudinga imali efunakalayo yokuwathuthukisa.
UMnu. Gideon Gono usibalukhulu we RBZ wethule umbiko ngoMvulo othi ibhanga le Interfin selifakwe ezandleni zomuntu ozahlolisisa inotho yalo lokuqondisa umsebenzi okwenyanga eziyisithupha.
UGono uthi ibhanga leli beliqondiswa ngabangazi umsebenzi njalo beselilemali ephansi okwamagama.
Uphinde wathi ibhanga le Genesis Investment Bank elilesikwelede esedlula izigidi ezintathu amadollar eMelika – $3.2 million - beselithwele nzima ngokudinga imali yokulithuthukisa.
Abaqondisi bebhanga leli babikwa betshele iRBZ ukuthi kade lingelampahla elohlonzi lemali yabanikazi.
Ingcwethi kwezenotho zithi loba nje amabhanga la evaliwe, akusoze kudale umonakalo kanganko kwezenotho yelizwe.
Eyinye yalezingcwethi uMnu. Bekithemba Mhlanga uthi uzulu ulakho ukuthola imali ebanjwe ngamabhanga la nxa kungalandelwa umthetho wamabhanga osetshenziswa eZimbabwe.