amalinks wokungena

Izisebenzi Ezifika 3,000 Zalahlekelwa Yimisebenzi Ngo2016

  • Chris Gande

Busisa Moyo

Ibhanga lesizwe, ele Reserve Bank of Zimbabwe, lithi kulezisebenzi eziyinkulungwane ezintathu, 3,000 - ezilahlekelwe ngumsebenzi ngomnyaka ophelileyo kusiyafika inyanga kaMbimbitho.

Lelibhanga lithi inani leli lilutshwana nxa kuqathaniswa lelomnyaka ka 2015.

Imbiko ye Reserve Bank ithi njalo kulamankampani alitshumi lane afakwe phansi kukahulumende, ijudiciary management, ngoba esehluleka ukubhadala izisebenzi iholo lazo kuthi amankampani angamatshumi amabili, 20, avalwa ekuqaleni komnyaka.

Ingcwethi kwezomnotho welizwe zithi lokhu kuzaqhubeka kufana ngoba kungakhanyi imizamo kahulumende eyokuhlenga ilizwe ebunzimeni elibukubo.

Sixoxe lomongameli wenhlanganiso ye Confederation of Zimbabwe Industries, uMnu. Busisa Moyo, saqala ngokumbuza ngenani lamankampani avalela ikhefu leKhisimusi asesehluleka ukuvula.

"Asikaboni ngoba inengi lamankampani avalileyo livula kuviki ezayo," kutsho uMoyo. "Thina yikuthi singamafekitali, awamanengi amafekitali awavalwayo kodwa kulamankampani athengisayo yiwo amanengi awavalwayo."

XS
SM
MD
LG