JOHANNESBURG —
Kuhlandla leWoza Friday liviki umsakazo wakho weStudio 7 ulethulela elinye lamaqembu embube adume kulawo wonke eZimbabwe elizibiza ngegama lokuthi “Impumelelo Shining Stars”. Leli qembu elilamadlalade ayisikhombisa, selize lacindezela enye yengoma zalo ndawonye loJoseph Shabalala okhokhela iqembu lomculo wembube ele Ladysmith Black Mambazo kwele South Africa eselithole izicoco zama Grammy Awards kwezomculo emhlabeni jikelele. UBenedict Nhlapho oweStudio 7 uxoxe lalezinsizwa ze “Impumelelo Shining Stars”
Yisichathamiya esilomehluko, esiculwa ngesizotha langamazwi alolongiweyo. Lezi zinsizwa ze qembu leSichathamiya eleMpumelelo Shining Stars.
Leliqembu libunjwe ngo 2001 enqameni koNduna uSomhlolo, eSiqome eMathema eZimbabwe lase lisiya gxila eMpopoma Youth Centre koBulawayo. UCosta Lungisani Ncube owasungula leli qembu uthi injongo yakhe yayingeyokuduma njengabe Ladysmith Black Mambazo, ukutshumayela ivangeli kanye lokuziphilisa ngomculo.
Okhokhela leli qembu u-Oscar Siziba uthi njengoba sebeze benelisa ukuxhawulana mathupha lomkhokheli weBlack Mambazo uJoseph Shabalala bacula laye enye yengoba zabo, bayaziqhenya okumangalisayo.
Aseyisikhombisa amadlalade ahwatshwe yileli qembu. Liqale ngo “Umhlaba uyajikajika”, kweza ethi “Uhlaleleni”, kwalandela u-“Ngeke ehluleke”, kwalandela u-“Nomalanga” kanye laleli abahwatshe lonyaka elithi “Amaqhinga aphelile”.
Kuleli elokucinake kulapho okuphuma khona abayicule lokaTshabalala ekhuluma ngomfundisi olitsotsi.
Ngumadliwa ubotshelwe leli dlalade elilengoma ezilitshumi lane. Zivuthwe busu ezikuleli dlalade kanti zinambitha kwabakholwayo labangakholwayo.
Ungezwa kulamazwanyana ahelezayo ucabange ukuthi kulabomama kuleli qembu kanti ukhe phansi. Okhalelayo nguye uOscar Siziba, bese kuthi uMduduzi Moyo lo Khulekani Sibanda bacula itenor. Elesifazanake ilizwi le-alto libanjwe ngu Kwanele Moyo. UThembelani Ndlovu, Mlungisi Moyo, Njabulo Moyo lo Innocent Sibanda yibo ababhonga kudume phansi.
Amadlalade aleli qembu ayatholakala eZimbabwe lakwele South Africa. Kantike nxa ufuna ukubona inqguzu, isitshikitsha lendlamu etshaywa yilezinsizwa zithi woza eMpopoma Youth Centre uzowubona umhlolo.
Yisichathamiya esilomehluko, esiculwa ngesizotha langamazwi alolongiweyo. Lezi zinsizwa ze qembu leSichathamiya eleMpumelelo Shining Stars.
Leliqembu libunjwe ngo 2001 enqameni koNduna uSomhlolo, eSiqome eMathema eZimbabwe lase lisiya gxila eMpopoma Youth Centre koBulawayo. UCosta Lungisani Ncube owasungula leli qembu uthi injongo yakhe yayingeyokuduma njengabe Ladysmith Black Mambazo, ukutshumayela ivangeli kanye lokuziphilisa ngomculo.
Okhokhela leli qembu u-Oscar Siziba uthi njengoba sebeze benelisa ukuxhawulana mathupha lomkhokheli weBlack Mambazo uJoseph Shabalala bacula laye enye yengoba zabo, bayaziqhenya okumangalisayo.
Aseyisikhombisa amadlalade ahwatshwe yileli qembu. Liqale ngo “Umhlaba uyajikajika”, kweza ethi “Uhlaleleni”, kwalandela u-“Ngeke ehluleke”, kwalandela u-“Nomalanga” kanye laleli abahwatshe lonyaka elithi “Amaqhinga aphelile”.
Kuleli elokucinake kulapho okuphuma khona abayicule lokaTshabalala ekhuluma ngomfundisi olitsotsi.
Ngumadliwa ubotshelwe leli dlalade elilengoma ezilitshumi lane. Zivuthwe busu ezikuleli dlalade kanti zinambitha kwabakholwayo labangakholwayo.
Ungezwa kulamazwanyana ahelezayo ucabange ukuthi kulabomama kuleli qembu kanti ukhe phansi. Okhalelayo nguye uOscar Siziba, bese kuthi uMduduzi Moyo lo Khulekani Sibanda bacula itenor. Elesifazanake ilizwi le-alto libanjwe ngu Kwanele Moyo. UThembelani Ndlovu, Mlungisi Moyo, Njabulo Moyo lo Innocent Sibanda yibo ababhonga kudume phansi.
Amadlalade aleli qembu ayatholakala eZimbabwe lakwele South Africa. Kantike nxa ufuna ukubona inqguzu, isitshikitsha lendlamu etshaywa yilezinsizwa zithi woza eMpopoma Youth Centre uzowubona umhlolo.
