amalinks wokungena

Breaking News

Woza Friday: Liviki SiloNtandoyenkosi Moyo Womdlalo Wokuhlekisa Uzulu i-Comedian


Ntandoyenkosi Moyo(Photo by Joseph Njanji)
KuWoza Friday kuliviki intathelizindaba yethu uJoseph Njanji usethulela ingxoxo ayenze lohlekisa uzulu esebenza esedolobheni lako Bulawayo uNtandoyenkosi Moyo.

UNtandoyenkosi Moyo uleminyaka emithathu eqhuba umsebenzi wokuhlekisa uzulu.
Usenelise ukucindezela ama DVD amabili njalo lawa ngagoqela ethiwa All that nonsense kanye layikhiphe lonyaka ethiwa It aint that funny.

Ngaphandle kokuqoqa inhlelo ezifana lalezi uMoyo uyaqhatshwa emitshadweni lakweminye imicimbi cimbi etshiyeneyo lapho atshiya uzulu esifa ngensini.

Lonyaka uMoyo uqalise uhlelo alubiza ngokuthi UMahlekisa Comedy Club lapho ancedisana khona labanye abenza umsebenzi ofanayo edolobheni lako Bulawayo ukuhlekisa uzulu endaweni ezitshiyeneyo ngensuku ezihleliweyo.

Amaphoxo asetshenziswa ngumfoka Moyo uwathola kuzehlakalo ahlangana lazo empilweni yakhe njalo lokhu kugoqela okwenzakala emphakathini ahlala kuwo kanye lokwenzakala emhlabeni wonke jikelele.

UMoyo uthi unanzelele esafunda ukuba ulesiphiwo sokuhlekisa abantu ngesikhathi esiba ngumphathi wenhlelo ezitsheyeneyo ngoba wayehlala etshiya ezinye izifundi zibulawa zimbambo.

Umfoka Moyo uke wakhethwa ukuba ngomunye wabenza umsebenzi wokuhlekisa abancintise kumkhosi we Nama ekuqaleni kwalonyaka ndawonye labathi u Carl Joshua Ncube kanye lo Clive Chigubhu kodwa akasasitholanga lesi sicoco sokuba yisiphoxo esihamba phambili kweleZimbabwe sona esaphakamiswa ngu Carl Joshua Ncube.

UMoyo uthi umsebenzi wokuhlekisa abantu uya ulokhu uthuthuka elizweni njalo lokhu kukhanya ngendlela abantu abagcwala ngayo mhla esethula umsebenzi wakhe othiwa It aint that funny kuzulu ngenyanga kaNcwabakazi.

Imisebenzi ka Moyo iyatholakala ebulenjini be You Tube njalo abathanda inhlelo zokuhlekisana balakho ukuzitholela mathupha limisebenzi uma bengaxhumana laye ebulenjini be facebook lapho asebenzisa igama elithi Ntando Van Moyo ‘The General’.

please wait

No media source currently available

0:00 0:06:01 0:00
Lapho esitholakala khona
XS
SM
MD
LG