JOHANNESBURG —
Kuhlandla leWoza Friday liviki uBenedict Nhlapho ulilethela idlalade elitsha lomdumo kaMaskandi elivela kuSebenzani Ncube osecula enguMehlokazulu. Ngokwakuqala ke ukuthi lumculi ethule umculo kaMaskandi ongaxutshaniswanga kudlalade lakhe elithi “Iphupho lami”.
Ngesikhathi eqala ukwaziwa kwezomculo ngomnyaka ophelileyo, lumnculi ubesaziwa ngegama lokuthi ngusebenzani, kukantike ubetshaya umdumo kaMaskandi oxutshaniswe le Jazz, ewubiza Afro-Maskandi.
Kudlalade lakhe le Afro-Maskandi ebelisithi umakhelwane, zinengi ebezithakazelelwa ngabantu ezigoqela yona ethi uMakhelwane, kuze uJohn, kulandele uMnyama besekusiba loMaponya.
Zijikile izinto lonyaka, lomculi wavumbuluka esenguMehlokazulu esetshaya umdumo kaMaskandi ongaxutshaniswanga. Linsizwa ezalwa eRatanyane, eKezi, ezansi yeMandebeleni, kukhulu ekuphetheyo kudlalade layo elitsha elithi iphupho lami.
Uthi igama elithi Mehlokazulu, ulethiwe ngakho lokho ukuthi ingoma zakhe ziyalaya, zikhuze, ziduduze zibuye zikhuthaze.
Zilitshumi ingoma ezimunyethwe kudlalade leli. Ikhona ethi Uthando, kube lethi Bayanginyonkoloza, kuze uhulumeni, Iphupho lami, abeseyivala ngethi Isimanga.
UMehlokazulu uthi unikele konke alakho ekwenzeni leli dlalade ngakho kathandabuzi ukuthi liyahlabusa.Ukujula kweziginci, lobuncitshi eziqunjwaqunjwa ngabo kuyafakaza ukuthi ingoma zakhona zivuthiwe.
Uthike elakusasa ulibona lindlela ziyakhanya, ngenxa yoxhaso aluthola kubasekeli.
Ufunake lawe othanda umculo kaMaskandi ungakhutheki, njengoba esithi xhumana laye kufacebook phansi kwegama elithi Sebenzani Mehlokazulu Mnqolo.
Ngesikhathi eqala ukwaziwa kwezomculo ngomnyaka ophelileyo, lumnculi ubesaziwa ngegama lokuthi ngusebenzani, kukantike ubetshaya umdumo kaMaskandi oxutshaniswe le Jazz, ewubiza Afro-Maskandi.
Kudlalade lakhe le Afro-Maskandi ebelisithi umakhelwane, zinengi ebezithakazelelwa ngabantu ezigoqela yona ethi uMakhelwane, kuze uJohn, kulandele uMnyama besekusiba loMaponya.
Zijikile izinto lonyaka, lomculi wavumbuluka esenguMehlokazulu esetshaya umdumo kaMaskandi ongaxutshaniswanga. Linsizwa ezalwa eRatanyane, eKezi, ezansi yeMandebeleni, kukhulu ekuphetheyo kudlalade layo elitsha elithi iphupho lami.
Uthi igama elithi Mehlokazulu, ulethiwe ngakho lokho ukuthi ingoma zakhe ziyalaya, zikhuze, ziduduze zibuye zikhuthaze.
Zilitshumi ingoma ezimunyethwe kudlalade leli. Ikhona ethi Uthando, kube lethi Bayanginyonkoloza, kuze uhulumeni, Iphupho lami, abeseyivala ngethi Isimanga.
UMehlokazulu uthi unikele konke alakho ekwenzeni leli dlalade ngakho kathandabuzi ukuthi liyahlabusa.Ukujula kweziginci, lobuncitshi eziqunjwaqunjwa ngabo kuyafakaza ukuthi ingoma zakhona zivuthiwe.
Uthike elakusasa ulibona lindlela ziyakhanya, ngenxa yoxhaso aluthola kubasekeli.
Ufunake lawe othanda umculo kaMaskandi ungakhutheki, njengoba esithi xhumana laye kufacebook phansi kwegama elithi Sebenzani Mehlokazulu Mnqolo.