amalinks wokungena

Breaking News

KuWoza Friday Silo DJ Zwesta, Owe House Music


DJ Zwesta
DJ Zwesta

Kuhlelo Woza Friday umsakazi we Studio 7 uEzra Tshisa Sibanda uxoxa lejaha leZimbabwe elidume kakhulu kweleSouth Africa ngokupheka umculo we House Music uZwelihle Mathe owazakala ngokuthi ngu Dj Zwesta SA

Umculo we house music usukhathazile eMzansi, kungaba kusemsakazweni, endaweni zokuzithokozisa kumbe emtshoveni kukhala wona lumdumo.

Umfana kaMathe wasuka eZimbabwe wawela ungulukudela wayapheka lumculo wehouse music.

“Igama lami ngingu Zwelihle ngisaziwa ngingu DJ Zwesta SA ngasemculweni. Eskolo engifunde kuzo iprimary zami ngiqale ngafunda eManomano eNkayi , Queen Elizabeth eNkulumane Emaveni eNkulumane ngayakwenza iSecondary eHlangabeza High School eNkayi I A level zami ngase Mzingwane High School Esigodini, iUniversity ngiyenzele ngase e University of Forthare eSouth Africa,” kutsho uDJ Zwesta SA.

UDj Zwesta SA yena ilizwi lokucula kalalo akwaziyo yikupheka abuye aphakulule uluju kuphela

“Mina ke ngingu Producer, ngiProducer yonke imhlobo ye House music ngiphinde ngibekhona laku hip hop. Kulama Artist amakhulu azophuma lonyaka engifitsharishe kuwo angikakhuphi yona ialbum izaphuma lonyaka. Okwamanje ngikhuphe amasingle amathathu and ayadlalwa lapha eSouth Africa ikakhulu laseZimbabwe nase Botswana,” kutsho uDJ Zwesta SA.

Uzipheka kamnandi umfana kaMathe abuye asebenze labanye abalamzwi alolongekileyo abonde ahlanganise asikhiphele imratha yengoma
“Ku We Rise ngisebenze lo Lisira Bells ungumculi uyi actress edume kakhulu kuleli elasemzansi and isingle yakhe yakuqala ezophuma kulonyanga eyehip hop eyenziwe yimi and then owesibili sengisebenze lo Nkwali oyi Award winner ngase Zim ohlala ngase Germany ingoma yakhe ethi Rafiki yona yingoma ekhula kakhulu esidumile lapha eMzansi.

Ukupheka ingoma zehouse akulula, uZwelihle Mathe uzewakuhambela eskolweni, phela kukhona abamtshaya ngaphakathi bamenza wathanda lumculo
“Abantu abayinsipayirishe kakhulu owokuqala nguDj walapha eMzansi uDJ Black Coffee and also ngiye nga insipayirishwa kakhulu nguDj Maporisa iyiproducer esidumile kakhulu lapha eSouth Africa lase Africa. Ingoma zami zona zifumaneka kumadigital downloads kuboDeezer ,Spotify, iTunes,” kutsho uMathe.

Zwelihle Mathe ophuma khonale komnyamubambile eNkayi owazakala ngokuthi Dj Zwesta SA nguye ebesilaye kuhlelo Woza Friday, uskhathazile eMzansi, bayamthanda ngoba upheka umculo wehouse music ngobunono obukhulu abuye aphakulule kamnandi. Kholisani impelasonto yenu Igama lami ngingu Ezra Tshisa Sibanda.

XS
SM
MD
LG