amalinks wokungena

Breaking News

KuWoza Friday Liviki Silomculi uKhulekani Bethule


Khulekani Bethule "Khuxman"(Photo by Joseph Njanji)
Umhlabeleli uKhulekani Bethule yena owaziwa kakhulu ngegama elithi Khuxman uthi ukungabi khona kwemisakazo esakaza isesigabeni seMaNdebeleni sekuphazamise kakhulu ingqubelaphambili yabaculi besintwini. Lumhlabeleli uxoxa lentathelizindaba yethu uJoseph Njanji.

UKhuxman odume kakhulu kwele Zimbabwe eminyakeni eyadlulayo ngengoma yakhe ethiwa MaAfrika nyakenye uze ledlalade elilokhu livutha amalangabi lakulezinsuku lona alethe igama elithiwa Vulelani Sangoma.
Kodwa into esuka imhlukumeze emoyeni lumculi yikuba abalandeli bomculo kweleZimbabwe bathe besizwa idlalade lakhe leli nampo beqala ukuwumana bethi lezongoma ngezabaculi abalodumo abaphuma elizweni le South Africa.

Ingoma eqale ukuduma ephuma kudlalade lakhe leli elithi Vumelani Isangoma yiyo leyo ethi Vumelani Sangoma yona eyaziwa kakhulu ngokuthi ngu Wee MaNcube.
Ingoma le ithe ekuphumeni kwayo abantu abanengi bathi ngeyomculi wase South Africa okhulele kwele Zimbabwe uOskido okuyinto abanengi abalokhu bekucabanga lalamhla lokhu.

UKhuxman uthi imbangela yokuba abalaleli bangazi ngomculo wakhe kanye lowabanye abaculi abaphuma esigabeni seMaNdebeleni yikuba akulamisakazo esakaza isedolobheni lako Bulawayo.

Idlalade elithi Vumelani iSangoma lilengoma ezilitshumi ezigoqela yona ethi Vumelani Isangoma, Bopha Ijambo, Malawi, Yo Number, Turn It Up, Jelimana, Ziyathunqa, Wena Nkazana kanye leyodwa ayamachacho kuphela.
Kesizwe nanso ethi Jelimana.

UKhuxman uthi umculo wakhe uhlanganisa amachacho awohlobo lwe House Music ikanti nxa esehlabelela usebenzisa ingoma ebeziculwa ekadeni kuyindlela yakhe eyokuba kucace ukuba ngumhlabeleli ophuma eMaNdebeleni.
Umfoka Bethule uphuma enkundleni ngeculo lakhe elithiwa iNkonkoni iyajama.

Woza Friday: Umculi uKhulekani Bethule "Khuxman"
please wait

No media source currently available

0:00 0:09:02 0:00
Lapho esitholakala khona
XS
SM
MD
LG