JOHANNESBURG —
KuWoza Friday liviki uBenedict Nhlapho intathelizindaba yeStudio 7 uphethe udaba lomkhosi omkhulu oqoqwe ngabaculi bakoBulawayo, ngenhloso yokuvuselela ezomculo kweleMandebeleni. Leligigi lizakwenziwa mhlaka 24 linyanga eMasina Sports Bar eLuveve koBulawayo, phansi kwesihloko esithi “Bulawayo Comes Alive.” Oqoqa lumkhosi, njalo engumculi odumileyo uJeys Marabini, uthi ligigi elingasoke likhohlakale masinya embalini yakoBulawayo.
Kusukela kudala embalini yeZimbabwe, idolobho lakoBulawayo belisaziwa ngokuba yisigodlo sezamasiko, imigido, ezokulingisa lakho konke okuphathelene lamathalenta abantu. Ngeshwa elibi, ukuwa kwezomnotho kulibhidlizile leli gunya laphela du, njengoba abaculi labo besuke basabalala umhlaba wonke bedinga amadlelo aluhlaza.
Umculi wakoBulawayo odumileyo, uMarabini uthi sebeqoqe igigi elikhulu elizahlanganisa abaculi bonke beMandebeleni, ukuze uBulawayo abuyiselwe esihlalweni sakhe sokuba ngumhlonitshwa kwezomculo lamasiko.
OkaMarabini ogama lakhe loqobo lokuzalwa okungu Majahawodwa Ndlovu, uthi sebengamatshumi amahlanu abaculi asebetshilo ukuthi bazabayingxenye yalo umcimbi.
Bonake bagoqela uChase Skuza, iBlack Umfolosi, iSungura Masters, iSimunye, DJ Jay-B, Cool Croners, Iyasa, uSandra labanye. Uthi kulumcimbi kuzabe kuxuxaniswa imidumo yonke yezomculo okubalisa iRhumba, i Afro-Jazz, oHouse, oKwaito, eZokholo, iSichathamiya, ngitsho lezamaphimbo amnandi angela macaco okugoqela iMbube.
Kukhanyake banengi abasebenza ndawonye ukuze lo umcimbi uphumelele, njengoba leqembu lenguqu ele Highlanders selivumile ukuthi abaqoqa lumdlalo benikeze abalandeli baleli qembu amaphetshana asakaza leli gigi emdlalweni waleli qembu ngeSonto.
KuWoza Friday yeviki ezayo mhlaka 24 Nkwenkwezi uBenedict Nhlapho uxoxa labathandi bomculo labaculi abazabe besendleleni belubhekise kulo umcimbi.
Kusukela kudala embalini yeZimbabwe, idolobho lakoBulawayo belisaziwa ngokuba yisigodlo sezamasiko, imigido, ezokulingisa lakho konke okuphathelene lamathalenta abantu. Ngeshwa elibi, ukuwa kwezomnotho kulibhidlizile leli gunya laphela du, njengoba abaculi labo besuke basabalala umhlaba wonke bedinga amadlelo aluhlaza.
Umculi wakoBulawayo odumileyo, uMarabini uthi sebeqoqe igigi elikhulu elizahlanganisa abaculi bonke beMandebeleni, ukuze uBulawayo abuyiselwe esihlalweni sakhe sokuba ngumhlonitshwa kwezomculo lamasiko.
OkaMarabini ogama lakhe loqobo lokuzalwa okungu Majahawodwa Ndlovu, uthi sebengamatshumi amahlanu abaculi asebetshilo ukuthi bazabayingxenye yalo umcimbi.
Bonake bagoqela uChase Skuza, iBlack Umfolosi, iSungura Masters, iSimunye, DJ Jay-B, Cool Croners, Iyasa, uSandra labanye. Uthi kulumcimbi kuzabe kuxuxaniswa imidumo yonke yezomculo okubalisa iRhumba, i Afro-Jazz, oHouse, oKwaito, eZokholo, iSichathamiya, ngitsho lezamaphimbo amnandi angela macaco okugoqela iMbube.
Kukhanyake banengi abasebenza ndawonye ukuze lo umcimbi uphumelele, njengoba leqembu lenguqu ele Highlanders selivumile ukuthi abaqoqa lumdlalo benikeze abalandeli baleli qembu amaphetshana asakaza leli gigi emdlalweni waleli qembu ngeSonto.
KuWoza Friday yeviki ezayo mhlaka 24 Nkwenkwezi uBenedict Nhlapho uxoxa labathandi bomculo labaculi abazabe besendleleni belubhekise kulo umcimbi.
