amalinks wokungena

Breaking News

Woza Friday: Silomculi uProsper Ndebele


Pronix Ndebele

Kuliviki kuhlelo Woza Friday uJoseph Njanji weStudio Seven ulethulela imisebenzi eyomculi osakhulayo uProsper Ndebele yena owaziwa kwezomculo ngegama elithi Pronix.

UPronix uleminyaka engamatshumi amabili lanye eyokuzalwa njalo uqale ezomculo ngomnyaka ka 2011 lapho asebenze khona lenkampani ethiwa Amavulindlela Ultimate Records.

Wenelise ukucindezela idlalade elilodwa aletha igama elithiwa I wanna be a champion esebenza lalinkampani lona alethulele uzulu nyakenye.

Lumculi usebenza leqembu elithiwa yi Harmonic Rhythms njalo uthi nxa esebenza eleqembu leli uyabe etshaya umculo we Afro Jazz ikanti nxa ecindezela eyedwa wenza umculo we Rhythm and Blues.

UPronix uthi ingoma zakhe uzibhala esebenzisa izehlakalo ahlangana lazo empilweni kungakhathalekile ukuba ngezimayelana lenjabulo kumbe lokuhlupheka.

Kulezinsuku kunzima ukuba abaculi baphathiseke ngokuthengisa imiganu njengoba sekwande ukuthengiswa okungekho emthethweni kwemisebenzi yabahlabeleli njalo uPronix uthi yena leqembu lakhe baziphilisa ngokuyatshaya iziginci zabo endaweni zokuzilibazisa.

UPronix uqhubekele phambili wathi yena leqembu lakhe bazasebenzisa ithuba lokuyatshaya eGoli ukuba bahle baphawule idlalade elilengoma eziyisikhombisa kuzizalwane zakwele Zimbabwe ezikhonale.

Uphuma enkundleni ngengoma ayicindezele lonyaka eyohlobo lwe R ā€˜nā€™ B ethiwa 'Never Forget You'.

Woza Friday: Umculi uPronix Ndebele
please wait

No media source currently available

0:00 0:07:29 0:00
Lapho esitholakala khona

XS
SM
MD
LG