amalinks wokungena

Breaking News

Kuyadanisa Ukubona Izisebenzi ze NRZ Zikhalala Umsebenzi - Minister Moyo


Umphathintambo wezamankampani kahulumende uMnu. Gorden Moyo uthi kuyadanisa ukuthi izisebenzi zikaloliwe iNational Railways of Zimbabwe (NRZ) zikhalale umsebenzi ngenxa yokungatholi iholo lama allowances kusukela ngomnyaka ka 2009.

UMoyo uthi kumele uhulumende asebenze gadalala ukuze iNRZ ingabhidliki.
Uthi okwamanje ugatsha lwakhe soluphume logwalo olujulileyo olutshengisa ukuthi kumele kwenziweni ukwenzela ukuthi kuvuselelwe iNRZ.

Kusenjalo, abafundisa emakolitshini ababalisi lamanye aphezulu akahulumende sebekhalale umsebenzi befuna ukuthola inkulungwane ezedlula ikhulu lamadola eMelika ngenyanga.

Kubikwa ukuthi ababalisi laba bamakolitshi bakhalale umsebenzi ngoLwesihlanu besithi baphathwa njenga matitshala bona befundisa ababalisi labanye abantu abatshiyeneyo ikakhulu abenza umsebenzi wezandla.

Omunye wabababilisi laba ongafunanga ukuqanjwa ngegama uthi kabasoze babuyele emsebenzini baze bathole iholo elikhupukileyo.

XS
SM
MD
LG