'Kuyajabulisa Ukuthi uMnangagwa Uzahlatshwa Ijekiseni yeCovid-19 Emphakathini'

Izakhamizi zeVictoria Falls zithi zamukela ngenjabulo inyathelo lokuthi uMongameli Emmerson Mnangagwa uzahlatshwa ijekiseni yokuvikela umkhuhlane weCovid-19 emphakathini kulelidolobho ngoLwesithathu.

Umsekeli kaMnangagwa, ongumphathintambo njalo wezempilakahle uMnu Constantino Chiwenga wazise ngeSonto ukuthi uMnangagwa uzahlatshwa ijekiseni elungiswe yinkampani yakweleChina, iSinovac.

Yena uChiwenga uhlatshwe eyeSinopharm, layo elungiswe kweleChina.

UMnangagwa uzahlatshwa ndawonye labakhokheli bamanye amabandla ezombusazwe amancane lapho azasungula khona ihlandla lesibili lokuhlatshwa kwabantu amajekiseni la ngokusemthethweni.

UChiwenga uthe ukusungulwa kohlelo lolu eVictoria Falls kuzakwenza uhulumende esule imigoqo ebisivimba izethekeli.

Isiphathamandla senhlanganiso yeVictoria Falls Residents Association uMnu Kelvin Moyo utshee iStudio 7 ukuthi ukuhlatshwa kukaMnangagwa lokhu kulakho ukukhuthaza abanye abalokuthandabuza ukuthi labe bahlatshwe.

Embed share

Ingxoxo loMnu Kelvin Moyo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:51 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Kusenjalo, uhulumende uthi bangamakhulu amahlanu alamatshumi phose amabili, 519, abantu abahlatshwe ijekiseni yeCoronavirus ngeSonto.

Kubhubhe ababili ngalumkhuhlane njalo kwatholakala abathathu kuphela belawo.