Ibandla leZapu lithi kukhona okunuka santungwana phezu kokuphiwa kukamuyi uMnu Saul Gwakuba Ndlovu inhlonipho yeqhawe lesizwe, i-national hero status, sokulenyanga phose ezine ebhubhile njalo wabekwa emethuneni akoBulawayo.
Ekubhubheni kwakhe ngoNtulikazi, imuli kaNdlovu yacela ukuthi aphiwe linhlonipho ngoba wadlala indima enkulu ekulweni impi yenkululeyo ekuZapu.
Kodwa uhulumende kazange akwamukela lokho, okwenza uNdlovu wabekwa emathuneni eLady’ Stabley koBulawayo. Khepha ngoMgqibelo imuli yakhe yaziswe ukuthi uMongameli Emmerson Mnangagwa usemphile leyonhonipho.
Le yinto edide abanengi abathi kungani kuthethe inyanga zonke lezi ukuthi uMnangagwa abubone ubuqhawe bukaNdlovu, kutsho isikhulumeli seZapu uMnu Mthulisi Hanana.
Kodwa ilunga leZanu PF uMnu Believe Gaule uthe akulalutho olusolisayo.