amalinks wokungena

Breaking News

Kuyehlula Ukuthi Izisebenzi Zikahulumende Zithole Iholo Elikhuphukileyo


Umphathintambo wezemali uMnu. Tendai Biti ulakho ukuveza iholo lezisebenzi embikweni wenhlalayenza owe Mid-Term Fiscal Monetary Review

Abe Apex Council abamela izisebenzi zikahulumende abaxoxisane leziphathamandla zikahulumende ngokukhuphula iholo bathi akula lutho oluphume emhlanganweni wangoLwesithathu eHarare.

Umqondisi we Zimbabwe Teachers Association uMnu. Sifiso Ndlovu uthi iziphathamandla zikahulumende zitshele umhlangano lo ukuthi uhulumende uzahlolisisa imali ayibuthanisayo elizweni lonke ukuze kubonakale ukuthi izisebenzi lezi zingathola malini.

UNdlovu uthi umphathintambo wezemali uMnu. Tendai Biti ulakho ukuveza embikweni wakhe wenhlalayenza owe Mid-Term Fiscal Monetary Review kunsukwana ezilandelayo ukuthi izisebenzi zikahulumende zingengezelelwa iholo kumbe hatshi.

Uphinde wathi izisebenzi zikahulumende zidaniswe yimpumela yomhlangano wangoLwesithathu. “Asisakwazi ukuthi sizakwenza nini omunye umhlangano owokuhluza iholo lezisebenzi.”

XS
SM
MD
LG