amalinks wokungena

Breaking News

Ele Zimbabwe Lilakho Ukuthola Ingcosana Yama Dayimana Ayi US$2 Billion Azathengiswa Ngomnyaka eMarange


Ele Zimbabwe lilakho ukungatholi inzuzo ethe xaxa ekuthengisweni kwamadayimana okukhangelelwe ukuthi kwenze amabillion amabili amadollar eMelika ngomnyaka ngenxa yokuthi akubonakali ukuthi kwenzakalani eMarange, eManicaland Province, lapho okwenjiwa khona amadayimana.

UMnu. Moses Mare okukhomithi yedale lephalamende ekhangelane lezemigodi uthi kumele ele Zimbabwe libumbe umthetho wokuhluza ukuthi amadayimana embiwa ngubani, athengiswa njani njalo imali yakhona iyangaphi.

UMare uthi umthetho okade umele ubunjwe osedale lephalamende iDiamond Revenue Bill, lokhe ungakahluzwa ngamalunga ephalamende ngenxa yokulwisana kuhulumende womanyano.

Uthi okwamanje kungeke kwenzakale ukuthi ele Zimbabwe lithole imali enengi kuleyo ekhangelelwe ukuthi yenziwe ngokuthengisa amadayimana.

UMnu. Obert Mpofu ongumphathintambo wezemigodi uthi ele Zimbabwe lizakwenza amabillion amabili ngomnyaka ekuthengiseni amadayimana.

Kodwa uMare uthi emalini le iZimbabwe lilakho ukuthola ingcosana njengoba lamankampani emba amadayimana engaziwa ukuthi ngakabani.

Ingcwethi kwezenotho UMnu. Rejoice Ngwenya uthi okuhluphayo yikuthi kunzima ukugilela imikhuba amankampani azimele wodwa anjengalawo ase Marange.

Inhlanganiso ye Kimberly Process Certification ivumile ngeviki ephelileyo ukuthi ele Zimbabwe lithengise amadayimana loba nje lokhu kutshiye inhlanganiso ezizimele zodwa lamanye amazwe elokhe ekhonona

XS
SM
MD
LG