Umkhokheli webandla leMDC-T, uMnu. Nelson Chamisa, ukhangelelwe ukuthi uzakhetha inkokheli kulandlea ukuxotshwa kwabathathu kubandla leli.
UChamisa ubeko Bulawayo ngoLwesibili lapho abikwa exoxisane khona lamakhansila alelo dolobho ekhatshwe ngenye inkokheli yebandla leli.
Inkokheli eyaxotshwayo kubandla leMDC-T yatshiya izikhundla ngebalisa uNkosazana Thokozani Khuphe, obengomunye wabasekeli bebandla leli, umqoqi wenhlelo uMnu Abednico Bhebhe, lesikhulumeli sebandla uMnu. Obert Gutu.
UChamisa ukhangelelwe ukukhetha lomunye njalo umsekeli webandla ozathatha isikhundla yena asitshiyayo.
Phansi kwesisekelo sombuso we MDC-T, uChamisa ulelungelo lokukhetha linkokheli hatshi umhlangano we congress kuphela njengalokho okwakuyikho kudala.
UNkosazana Thabitha Khumalo oyisikhulumeli sebandla ukhangelelwe ukuba ngomunye wabasekeli bakamongameli. Kodwa omunye laye okhangelelwe ngabanye ukuthi engathola lesikhundla, nguMnu. Felix Magalela Mafa.
Lokhu kwenzakala uKhuphe laye esekhethe eyakhe inkokheli yakoBulawayo. Sixoxe loMnu. Mafa ukuze sizwe imbono yakhe ngaloludaba.
“Ngibona ingani ngixwayisa ama comrade wonke ayengwa ngu Doctor Khuphe, beziyenga njengamaNdebele. Thina ama Ndebele oqobo, akaMthwakazi, aka Mzilikazi sesathi akusela Mtshabi, akusela mNdebele akusela Mshona, sesibambene,” kutsho uMafa.
