amalinks wokungena

'Zinengi Indlela Zokunqabela Ukungethembeki Ekwabeleni Uzulu Umhlabathi'

  • Praxedes Jeremiah

UDr. Thinah Moyo, umqeqetshi eUniversity of Pretoria okhokhela uhlelo lokucubungula lokubuthanisa ulwazi mayelana ngomhlabathi, uresearcher kuhlanganiso yeLand Observetory, osebenzela eSouth Africa.

Umhlangano wetshumi lathoba minwe mbili webhanga lamazwe womhlaba owe 18th World Bank Annual Conference on Land and Poverty ungene kulanga lesithathu ngoLwesithathu esigodlweni sebhanga leli eWashington DC eMelika.

Lumhlangano oqale mhlaka 20 ngoMbimbitho uphela ngoLwesihlanu mhlaka 24 Mbimbitho.

Benengi abasemhlanganweni lo eWorld Bank.
Benengi abasemhlanganweni lo eWorld Bank.

Inhloso ngeyokuphana amacebo ngokuphathwa lokulondolozwa komhlabathi emazweni womhlaba lakho konke okuphila kuwo okugoqela abantu, inyamazana, izilimo, ezemvelo ezifana lezihlahla, ukulondolozwa kwamaganga, okwenjiwayo, ezemigodi, amanzi lokunye okunenginengi.

NgoLwesibili umhlangano lo wehlukaniswe waba yimihlangano ethile ikhokhelwa ngesihloko esehlukeneyo kusiya ngokuthi sikuyiphi indawo ebhanga leli.

Omunye okuqula elivele eZimbabwe, uMnumzana Takunda Chabata, okhokhele ingxoxo yokungenela kwezombusazwe lokonakala komnotho ekuphazamiseni umsebenzi wezomhlabathi njengoba lolu kuludubo olukhulu hatshi eZimbabwe kuphela kodwa lakwmanye amazwe womhlaba.

Abanye abasemhlanganweni weWorld Bank eWashington DC.
Abanye abasemhlanganweni weWorld Bank eWashington DC.

Lingxoxo kade iphansi kwesihloko esithi "Political and Economic Challenges of Land Policy Reform".

Abaze emhlanganweni lo, inengi labo lithe lifunde okunengi ngokusetshenziswa kwendlela zangalez’insuku zokulondolozwa komhlabathi kusetshenziswa ikakhulu imitshina yamacomputer ukwenzela ukuba ulwazi lufinyelelwe lula.

Eyinye yalezingcwethi nguDr Thinah Moyo, umqeqetshi eUniversity of Pretoria okhokhela uhlelo lokucubungula lokubuthanisa ulwazi mayelana ngomhlabathi, uresearcher kuhlanganiso yeLand Observetory, osebenzela eSouth Africa kodwa eyisizalwane seZimbabwe.

UDr. Moyo uthi loluhlelo oluhle lungaphathisa ele Zimbabwe ekuvikeleni ukungethembeki ekwabelweni komhlabathi, icorruption, ngoba kuba be kubekwe sobala ukuthi lumhlabathi ngokabani njalo usetshenziswa njani.

Facebook Forum

XS
SM
MD
LG