amalinks wokungena

Breaking News

Abantu Besaba Ukuthi Umkhuhlane Osenyameni yePolony Obulele Abanye eSouth Africa Ungaqhamuka eZimbabwe


Izisebenzi ezipheka inyama ye polony

Uhulumende weSouth Africa uthi usetholile imbangela yokuqhamuka komkhuhlane we listeria otholakala enyameni esiphekiwe, osubulale abantu abafika phose amakhulu amabili watshiya abedlula inkulungwane begula.

Leli nani yilo elikhulu emhlabeni jikele kuzo zonke indawo osekuke kwaqhamuka lumkhuhlane.

Umphathintambo wezempilakahle, uMnu. Aaron Motsoaledi, uthi inkampani epheka ipolony lokunye okufanayo eye Enterprise ese Polokwane yiyo ebangele ukuqhamuka komkhuhlane lo othelelwana lula.

Isiphathamandla salinkampani sithi sebemise ukuphekwa kwenyama le njalo yakhuthaza ukubuyiselwa kwayo esithengiwe.

Umkhuhlane lo uqhamuke emzini weSoweto ngeviki edluleyo ngemva kokuba abantwana besikolo abambalwa beqale ukugula batholakala ukuthi balomkhuhlane lo.

UMotsoaledi uthi uzulu kumele aqaphele engadli inyama ephekiweyo le efana lepolony, amasotshisi le bacon.

Abathenge linyama abalama receipt balakho ukubuyiselwa imali yabo. Ngokuphangisa ukusabalala komkhuhlane lo, uhulumende uthi nxa uzulu elenyama le kumele angayihlanganisi lenye efrijini ngoba ingawonakala layo.

Umgcinisihlalo wenhlanganiso yezizalwane ze Zimbabwe ezihlala kwele South Africa, eye Zimbabweans in South Africa, uMnu. Nqabutho Nicholas Mabhena, uthi kwesabelwa ukuthi abanye abadabuka eZimbabwe bengaba bathenga linyama bathumezela izihlobo labangane ekhaya okungabangela ukuthi lumkhuhlane usabalale lase Zimbabwe.

“Yinto esiphambanise kakhulu abamabhizimusi, ikakhulu laba abathiwa yi-informal sector. Siyakhumbula ukuthi eSouth Africa kulabo gogo kumbe omama abathengisa okuthiwa ngama kota, isinkwa esifakwe ipolony le abantwana sebethenga,” kutsho uMabhena.

please wait

No media source currently available

0:00 0:02:07 0:00

Facebook Forum

XS
SM
MD
LG