amalinks wokungena

Breaking News

Kwethulwa Iphephandaba Elitsha- eleNewsday


Iphephandaba elitsha elikhangelelwe ukwethulwa nsuku zonke elithiwa yi Newsday belinikwa uzulu kungelambadalo ngolweSihlanu endaweni ezimbalwa zelizwe.

INewsday ngelinye lamaphephandaba azimeleyo eliphiwe imvumo yokuqala ukudinda yiZimbabwe Media Commission ngeviki edluleyo. INewsday ingaphansi kwenkampani yeAlpha Media Holdings elamanye amaphephandaba agoqela iZimbabwe Independent le Zimbabwe Standard.

Umnikazi walinkampani ngumnumzana Trevor Ncube olelinye njalo iphephandaba kwele South Africa elithiwa Mail and Guardian.

Kunjalonje izisebenzi ezintathu zephephandaba elitsha leNewsday zike zathathwa ngamapholisa edolobheni leHarare ngesikhathi ziholisa uzulu iphephandaba leli. Amapholisa abikwa etshele izisebenzi lezi ukuthi zibatshengise ilicence yokudinda leliphepha. Ngemva kokwenza lokhu izisebenzi lezi zikhululwe ngemva kokuhlawuliswa amadollar eMelika angamatshumi amane umuntu munye.

Ukuze sizwe ukuthi uzulu wamukele njani leliphephandaba uBrenda Moyo weStudio 7 uxhume umgcinisihlalo we Media Institute of Southern Africa uMnumzana Loughty Dube.

Okuhambelana lalokhu

‚Äč
XS
SM
MD
LG