Kuhlelo lwethu lapho esixoxa lezizalwane zeZimbabwe esezihlala kwamanye amazwe ngoLwesithathu uChris Gande uxoxe loNkosikazi Angela Moyo-Hardy ohlala edolobheni le Pennsylvania kwele Melika.
UNkosikazi Moyo-Hardy uthi wabuya kwele Melika ezokwethekelela lokufunda waphenduka ekhaya kodwa wasecabanga ukubuyela njalo kwele Melika lapho aqala khona ibhizimusi lokugcina amakhehla lezalukazi.
Uthi wazithola esesimeni esilula ukuthi athole uncedo lwemali yokuqala ibhizimusi ngoba bebalutshwana abensundu abadinga uncedo lolu.
“Sigcina abantu aba over 55 ezindlini zabo ukuze bengacini bese ma nursing home,” kutsho uMoyo-Hardy.
Uthi bayaphathisa abantu laba asebekehulile ezindlini zabo babezimuli zabantu laba.
UNkosikazi Moyo-Hardy wafundela izifundo zebhizimusi njalo wasefundela ngokugcina asebekhulile.
Uthi wadibana lokunengi engakaphumeleli ngenxa yokubandlululwa.
“Ukuthi ngingene kubhimusi ngithathwe serious ngoba okwakuqala abalapha bangizwa ngikiliza ngiphinde ngibe ngonsundu,” kutsho uMoyo-Hardy.
Uthi kulenhlelo eziphathisa abantu abavela kwamanye amazwe ukuze kungabi labosomabhizimusi abamhlophe kuphela kodwa kukhangelwa lokuthi umuntu uzimisela kanganani ukwenza ibhzimusi.
