WASHINGTON DC —
Emidlalweni yenguqu yaphakathi kweviki eye Castle Lager Premier Soccer League amaqembu abalisa iDynamos, Triangle lele How Mine anqobile emidlalweni yawo yangoLwesithathu eyenkabaviki.
Iqembu leDynamos liphosa lalahlekelwa yimiklomelo kulumdlalo lingqikilana lele FC Platinum, lize lahlohla umdlalo ususiya phela sokusele imizuzu emihlanu nje kuphela. Lokhu kunqoba bakuthole ngemva kombekwa abawuphiwe ngemva kokuphazanyiswa kwemvimbi yabo uGift Bello. Lokhu ngokwakuqala ukuthi iqembu leli linqobe lisizini.
Enkundleni yeLuveve Stadium koBulawayo iMakepekepe inqotshwe yiHow Mine 2 kazero. Icaps Unite ibikwa iqale umdlalo idlala kakuhle kutshengisa ukuthi izanqoba ngemva kokunqoba kwayo iDynamos ngempelasonto edluleyo. IHow Mine ihle yatshengisa ukuthi kayilandanga ukuzodlalisa imklomelo ngemva kwemizuzu eyisithupha umdlalo uqala lapho okuhle kwahlohla uWonder Sithole. Owesibili umklomelo uhlohlwe nguKuda Mushanu.
Enkundleni yeTriangle, iBuffaloes ibe lomdlalo omubi ngoba inqotshwe nge 5-1 yiTriangle idlalela ngekhaya. Ngaphndle kokuhlohlwa kangaka iBuffaloes iphinde yaba lohlupho lokuxotshelwa omunye umdlali yacina igqiba umdlalo isilabadlali abalitshumi kuphela.
Kweminye imidlalo iHwange icine isiba ngutshiki lobhanqa leChapungu 1-1 sokusele imizuzu engatsho lutho ukuthi umdlalo uphele.
Enkundleni yeRimuka Stadium eKadoma iBlack Rhinos ibe ngutshiki lobhanqa zero kazero leqembu leZPC Kariba.
Iqembu leDynamos liphosa lalahlekelwa yimiklomelo kulumdlalo lingqikilana lele FC Platinum, lize lahlohla umdlalo ususiya phela sokusele imizuzu emihlanu nje kuphela. Lokhu kunqoba bakuthole ngemva kombekwa abawuphiwe ngemva kokuphazanyiswa kwemvimbi yabo uGift Bello. Lokhu ngokwakuqala ukuthi iqembu leli linqobe lisizini.
Enkundleni yeLuveve Stadium koBulawayo iMakepekepe inqotshwe yiHow Mine 2 kazero. Icaps Unite ibikwa iqale umdlalo idlala kakuhle kutshengisa ukuthi izanqoba ngemva kokunqoba kwayo iDynamos ngempelasonto edluleyo. IHow Mine ihle yatshengisa ukuthi kayilandanga ukuzodlalisa imklomelo ngemva kwemizuzu eyisithupha umdlalo uqala lapho okuhle kwahlohla uWonder Sithole. Owesibili umklomelo uhlohlwe nguKuda Mushanu.
Enkundleni yeTriangle, iBuffaloes ibe lomdlalo omubi ngoba inqotshwe nge 5-1 yiTriangle idlalela ngekhaya. Ngaphndle kokuhlohlwa kangaka iBuffaloes iphinde yaba lohlupho lokuxotshelwa omunye umdlali yacina igqiba umdlalo isilabadlali abalitshumi kuphela.
Kweminye imidlalo iHwange icine isiba ngutshiki lobhanqa leChapungu 1-1 sokusele imizuzu engatsho lutho ukuthi umdlalo uphele.
Enkundleni yeRimuka Stadium eKadoma iBlack Rhinos ibe ngutshiki lobhanqa zero kazero leqembu leZPC Kariba.