amalinks wokungena

Kukhunjulwa uItayi Dzamara Labanye Kwele Bhilithane

  • Chris Gande

UNkosikazi Sheffra Dzamara, umka Itai Dzamara labantwana bakhe.

Inhlanganiso yakwele Bhilithane elwela amalungelo kazulu, ethiwa Zimbabwe Citizens Initiative iqoqa umbuthano wokunanza olwela ilungelo loluntu, uMnu. Itai Dzamara, owathunjwayo kuminyaka emibili edluleyo.

UDzamara, olabantwana ababili lonkosikazi, wathunjwa mhlaka 9 ngoMbimbotho odluleyo egela inwele kuze kube namhlanje kaziwa ukuthi ungaphi njalo uyaphila kumbe sewafa.

Lumbuthano uzenziwa ngoMgqibelo edolobheni le Manchester kwele Bhilithane. Linhlanganiso izananza njalo bonke abathunjwayo labahlukuluzwa nguhulumende.

Ukuze sizwe okunengi ngalumbuthano sixoxe lesiphathamandla salinhlanganiso, uMnu. Panyika Karimanzira.

UKarimanzira uthi inhlanganiso yabo yasungulwa ukumanyanisa zonke inhlanganiso ezilwela amalungelo kazulu eziphandle kwelizwe.

"NgoMgqibelo sizakuba sile event sizakuba sise Manchester University. Kuzakuba kulomdlalo ozenziwa nguSilvanos Mudzova," kutsho uKarimanzira.

Wengezelele esithi bazabukisa njalo umfanekiso wombuqazwe we Gukurahundi.

Facebook Forum

XS
SM
MD
LG