Ibandla lama Democrats beliphakathi kwengxoxo-mpikiswano edolobehni le Las Vegas eNavada khonapha eMelika ngoLwesithathu ebusuku, ekuqhubekeni komkhankaso wokudinga ozancintisana lomongameli Donald Trump kukhetho lokudinga umongameli ekupheleni kwawonalo umnyaka.
Owayengu sodolobho we New York City, uMnu. Michael Bloomberg, oyisinothi- ibillionaire, okubandla lamaDemocrats, uphumelele ukuphatheka okukuqala kulingxoxo-mpikiswano, selokhu wangena kulumkhankaso.
UMnu Bloomberg, usesebenzise imali edlula ezigidi ezingamakhulu amane emkhankasweni wakhe-400 million dollars, okubangele ukuthi abanye bakhe bekhonone ukuthi uzama ukuthenga indawo yokuncintisa.
Abanye abaphatheka kulingxoxo-mpikiswano ngosenator Ben Sanders we Vermont, owayengumsekeli kaMnu. Barack Obama engumongameli uMnu. Joe Biden, usenator Amy Klobuchar we Minessota, uSenator Elizabeth Warren weMassachusetts, lowayengusodolobho weSouth Bend eIndiana uMnu. Pete Buttigieg.
Lokhu kwenzakala uSenator Sanders ekhokhela kulumkhankaso elandelwa ngoMnu. Bloomberg loBiden. Sizalethulela okuhlafunwe kulingxoxo-mpikiswano ngokugcweleyo kunhlelo ezilandelayo.