amalinks wokungena

Breaking News

Lamukelwa Ngembono Etshiyeneyo Inyathelo Lokuthi Ababalisi Baqeqetshe Kutsha


Uhulumende uthi usethole imali kunhlanganiso ezizimeleyo eyokuqhuba loluhlelo njalo usethumele ugwalo lwe circular kubaphathi bezikolo

Ababalisi bathi bemukele ngembono etshiyeneyo inyathelo likahulumende elokuthi ababalisi bezikolo zemfundo ye primary le secondary abangaphumelelanga ezifundweni zeMathematics, Science, leEnglish bebhale kutsha imihloliso yalezizifundo ngendlela yokuthuthukisa isisindo semfundo elizweni.

Uhulumende uthi usethole imali kunhlanganiso ezizimeleyo eyokuqhuba loluhlelo njalo usethumele ugwalo lwe circular kubaphathi bezikolo ukuthi beqoqe uluhlu lwababalisi okufanele bebhale limihloliso.

UMnu. Never Nyahunzvi, isiphathamandla senhlanganiso elwela amalungelo ababalisi eye Progressive Teachers’ Union of Zimbabwe uthi ugwalo lwe circular lolu luthi uhulumende uzaguqula isyllabus kunyanga ezimbalwa ezizayo njalo kungenzekala ukuthi umbalisi ongaphuelelanga kulezizifundo alahlekelwe ngumsebenzi.

UNyahunzvi uthi ababalisi bamangele ngoba akulula ukuthi umuntu obefundisa iminyaka eminengi isifundo esifana leHistory kumbe IsiNdebele aqalise lamuhla ukufunda iMaths leScience.

UMnu. Felix Magalela Mafa, ingcwethi kwezemfundo utshele uSithandekile Mhlanga weStudio 7 ukuthi leli linyathelo elihle kodwa nxa uhuluemnde efuna ukuthi imfundo ithuthuke elizweni, kufanele engezelele iholo lababalisi, njalo ananzelele ukuthi balolwazi lolimi olukhulunywa ezigabeni abafundisa kuzo.
please wait

No media source currently available

0:00 0:02:12 0:00
Lapho esitholakala khona
XS
SM
MD
LG