amalinks wokungena

Breaking News

I-SADC Icubungula Ingxabangxoza EseLesotho


FILE - Lesotho's Prime Minister Thomas Thabane attends a European Union-Africa summit in Brussels, Apr. 2, 2014.
FILE - Lesotho's Prime Minister Thomas Thabane attends a European Union-Africa summit in Brussels, Apr. 2, 2014.

Uhlangothi lomanyano wamazwe angezansi kwezekazi leAfrica olwe SADC Troika luthe gwaqa kwele South Africa lapho olucubungula khona udaba lokuthi ibutho lalelolizwe lithathele uhulumende umbuso ngodlakela ngempelaviki, ngesikhathi umgcinisihlalo walumanyano umongameli Robert Mugabe esethumele iziphathamandla zikahulumende wakhe kwele South Africa ukuthi lazo zidingisise ngaloludaba.

Uhlangothi lomanyano wamazwe angezansi kwezekazi leAfrica olwe SADC Troika luthe gwaqa kwele South Africa lapho olucubungula khona udaba lokuthi ibutho lalelolizwe lithathele uhulumende umbuso ngodlakela ngempelaviki, ngesikhathi umgcinisihlalo walumanyano umongameli Robert Mugabe esethumele iziphathamandla zikahulumende wakhe kwele South Africa ukuthi lazo zidingisise ngaloludaba.

Inhloko kahulumende weLesotho uMnu. Thomas Thabane,owebandla le All Basotho Convention ubikwa ebalekele kwele South Africa ngempelaviki ukuyakhulumisana leziphathamandla zalelolizwe ngaloludaba, njalo umsekeli wakhe owebandla le Congress for Democracy uMnu. Mothetjoa Metsing laye uphatheke kulezinkulumo.

Umphathintambo obona ngobudlelwano lamanye amazwe kwele Lesotho uMnu. Mohlabi Kenneth Tsekoa ubikwa esithi inkosi ye Lesotho uLetsie wesithathu usakhetha ukuthi ngubani ozabe ekhokhela lelolizwe ngesikhathi uMnu. Thabane loMnu. Metsing, bese South Africa.

Ibutho leLesotho lona liyakulandula ukuthi selithethe umbuso ngodlakela lisithi belithathela amapholisa izikhali ngoba efuna ukuncedisa abakade beqoqa ukutshengisela esigodlweni salelolizwe iMaseru.

Amapholisa abikwa esekela uMnu. Thabane, ibutho lisekela uMnu. Metsing.

Ilizwe leli selake labhekana lohlupho olufanayo kusukela lithola uzibuse kweleBhilithane ngomnyaka ka1966.

Ukuhlaziya loludaba, sixoxe loMnu. Zenzo Nkomo, ingcwethi ecubungula ezombusazwe, njalo elilunga leSouth African Communist Party, ekhuluma ezimele.

UMnu. Nkomo utshele uSithandekile Mhlanga weStudio 7 ukuthi ukhetho olutsha lungalungisisa udaba lweLesotho kodwa isisekelo sombuso walelolizwe laso sifanele ukulungisiswa ukwenzela ukuthi kungabi lohlupho olufanayo kusasa.

Ingxoxo LoMnu. Zenzo Nkomo
please wait

No media source currently available

0:00 0:03:02 0:00
Lapho esitholakala khona

XS
SM
MD
LG