amalinks wokungena

Breaking News

Likhe Phansi Iqembu leChevrons


Cricket Chevrons.

Iqembu elimela iZimbabwe emdlalweni kakhilikithi linqotshwe ngama runs alitshumi lanye ngelePakistan emdlalweni wakuqala owohlobo lwe Twenty20 odlalwe namhla esigodlweni eHarare.

Ekhuluma ekupheleni komdlalo ukaputeni weqembu le Zimbabwe uSean Williams uthe bazigwaze ngowabo umkhonto namhla ngoba isimo enkundleni besivuma ukuba banqobe.

“Akulancazelo ukwehluleka ukugama ibhola lihlale esandleni esikwenze kanengi namhla khonapho sidlala leqembu elisezingeni eliphezulu. Lokhu kudale ukuthi becine bethola ama runs angamatshumi amabili obekungamelanga bewathole njalo aluba bethole ama runs alikhulu lamatshumi amathathu bekuzakuba lula ukuba silifikise lelonani. Yizo izinto okumele sizilungisise nxa sifuna ukunqoba amaqembu ahamba phambili emdlalweni kakhilikithi njalo lamuhla isimo senkundla besisihle okokuthi asilasizatho esokuba kungani singanqobanga,” kutsho uWilliams.

Iqembu le Pakistan yilo eliqale ukutshaya ibhola labuthelela ama runs alikhulu lamatshumi amane lathoba munwe munye (149) lilahlekelwe ngabadlali abayisikhombisa.

Udaba lwempumela yomdlalo wekilikithi phakathi kweZimbabwe lePakistan
please wait

No media source currently available

0:00 0:01:54 0:00

Kuthe iqembu le Zimbabwe seliphendula lenelisa ukubuthelela ama runs alikhulu lamatshumi amathathu lathoba minwe mbili lalo lilahlekelwe ngabadlali abayisikhombisa.

Omunye wabadlali abaqale ukutshaya ibhola kuqembu le Zimbabwe uTinashe Kamunhukamwe uthi umdlalo ubalahlekele ngesikhathi belahlekelwa ngabadlali belandelana ngesikhaphekhaphe.

“Kuyadanisa ukuba sehlulekile ukuchapha intambo kodwa okuthokozisayo yindlela esijike ngayo ibhola.

Sithemba ukuthi lathi esitshaya ibhola sizathi ukudlala ngendlela ezakwenza sinqobe. Kuqakathekile ukuba kube labadlali abambalwa ababambisanayo behlale bengaphumi ngoba okusiphazamisayo yikuphuma kwabadlali belandelana bengazange betshaye ibhola okwesikhathi eside,” kutsho uKamunhukamwe.

Iqembu le Zimbabwe lele Pakistan azadibana ngoLwesihlanu mhla zingamatshumi amabili lantathu kuyonale inyanga kaMabasa emdlalweni wesibili owohlobo lwe T20 kusithi umdlalo wesithathu uhlelwe ukuba udlalwe ngeSonto mhla zingamatshumi amabili lanhlanu.

Ekupheleni kwemidlalo ye T20 amaqembu lawa azadibana njalo emdlalweni emibili eyohlobo lwe Test.

Udaba lwempumela yomdlalo wekilikithi phakathi kweZimbabwe lePakistan
please wait

No media source currently available

0:00 0:01:54 0:00

Facebook Forum

XS
SM
MD
LG