Likhwele Kakhulu Inani Lababanjwe iCovid-19 Laya Ku-712. Kungaba yiOmicron Na?

Inani labantu ababanjwa umkhuhlane weCovid-19 suku ngosuku likhuphuke ngesilinganiso esikhulu lisuka ku399 kuthange laya ku712 izolo.

Ugatsha lwezempilakahle luthi abalikhulu lane babantu laba, 104, ngabafundi ezikolo ezitshiyeneyo. Luthi njalo akekho obhubhileyo.

Ukukhuphuka kwenani leli kudale ukungahlaliseki kwabezempilakahle bona abaxwayisa uzulu ukuthi eqhubeke elandela iziqondiso zokwenqabela lumkhuhlane.

Kusikhathi esedlule beselehlile kakhulu inani lababanjwa igciwane leli lidlalela phansi kwekhulu.

Abanye bakananela ukuthi osokukhweza amanani lawa kungaba ngumkhakha walimkhuhlane omutsha oweOmicron lanxa nje uhulumende engakatsho ukuthi usukhona yini ezimbabwe kumbe awukafiki.

Isiphathamandla senhlanganiso yeCitizens Covid-19 Monitor uMnu Effie Dlela Ncube utshele iStudio 7 ukuthi kubalulekile ukuthi abantu beqhubeke bezivikela kanti lohulumende laye aphange atsho ukuthi umkhakha omutsha lo usukhona na elizweni.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:04 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala