amalinks wokungena

Breaking News

Ilanga Lokuthethwa Kwecala Lokubulala Isilwane Lidluliselwa Phambili


Umthethwandaba uvumile isicelo segqwetha likaMnu. Bronkhurst, uMnu. Muviringi, wasubeka umhlaka 28 ngenyanga ezayo ekaMpandula, njengelanga lokuthethwa kwalelicala.

Umantshi womthethwandaba weHwange usedlulisele kunyanga ezayo ukuthethwa kwecala eletheswa uMnu. Theo Bronkhurst elokuncedisa umzingeli weMelika uMnu. Walter Palmer ukubulala isilwane esazakala ngokuthi ngu “Cecil” ngenyanga edluleyo ngaphandle kwemvumo.

Igqwetha elimela uMnu. Bronkhurst uMnu. Givimeore Muviringi utshele umantshi uNkosazana Lindiwe Maphosa ukuthi elinye igqwetha abefuna limncedise kuloludaba alenelisanga ukufika emthethwandaba weHwange ngoba lisammele abanye koBulawayo.

Umthethwandaba uvumile isicelo sikaMnu. Muviringi, wasubeka umhlaka 28 ngenyanga ezayo ekaMpandula, njengelanga lokuthethwa kwalelicala.

Ukubulawa kwalesi isilwane sokudale inkulumo emhlabeni jikelele, inengi emazweni aphetsheya lisola lesisenzo, kodwa ezinye izizalwane zeZimbabwe zikutshaya indiva lokhu, zisithi impilo yenyamazana ayiqakathekanga okwedlula eyabantu beZimbabwe, bona abazidubekelayo.

Kusenjalo, umgcinisihlalo weHwange Rural District Council, uCouncillor Siphiwe Mapfuwa owebandla leZANU PF uthi ukuzingelwa kwalesi isilwane akwenzakalanga endaweni yekhansili yakhe njalo ikhansili le iyagcizelela ukuthi kulandelwe imithetho yokuzingela ngaphansi kohlelo lweCampfire yakulindawo, njalo kuqakathekiswa impilo zabantu.

please wait

No media source currently available

0:00 0:02:49 0:00
Lapho esitholakala khona

XS
SM
MD
LG